Sieparatysty kantralujuć vybarkamy na Danbasie, i tamu prezidenckich vybaraŭ 25 maja tut nie budzie.
Pra heta zajaviŭ u subotu na pres-kanfierencyi staršynia Centrvybarkama samaabvieščanaj «Danieckaj narodnaj respubliki» Raman Lahin.
«My kantralujem 22 tervybarkamy da prezidenckich vybaraŭ, tamu vybaraŭ na Danbasie nie budzie», — zajaviŭ Lahin ŭ pamiaškańni Danieckaj abłdziaržadministracyi, zachoplenaj sieparatystami.
Taksama jon raspavioŭ pra padrychtoŭku da refierendumu ab statusie rehijonu, pryznačanaha na 11 maja, jaki Kijeŭ ličyć nielehitymnym.
Pavodle jaho słoŭ, prarasiejskich aktyvistaŭ padtrymlivaje miascovaja milicyja, a miascovyja ŭłady — nie pieraškadžajuć rychtavacca da refierendumu, pryznačanaha na 11 maja.
«U nas jość poŭnaje razumieńnie z uładaj, jakaja nie pieraškadžaje refierendumu. Učastki buduć u škołach. Heta datyčycca ŭsich haradoŭ Danieckaj vobłaści», — skazaŭ Lahin.
Pavodle jaho słoŭ, sieparatysty sfarmavali užo 53 terytaryjalnyja kamisii dla praviadzieńnia refierendumu.
U niadzielu ŭ 8 ranicy na Danbasie adkryjucca 1527 učastkaŭ, jany začyniacca — u 22.00.
«Sieparatysty buduć ličyć, što refierendum adbyŭsia, pry luboj jaŭcy», — zajaviŭ Lahin.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary