Centr ekałahičnych rašeńniaŭ da čempijanatu śvietu pa chakiei vypuściŭ daviednik pa zialonych zonach Minska.
Pavodle infarmacyi centra, u daviedniku adznačany parki, skviery, Bataničny sad, punkty prakatu rovaraŭ, łodak i katamaranaŭ, a taksama raźmieščana infarmacyja ab režymie pracy hetych abjektaŭ i praviłach karystańnia.
Stvaralniki karty rajać haściam za čas znachodžańnia ŭ stalicy naviedać chacia b adnu zialonuju zonu. Akramia taho, ekołahi nahadvajuć turystam pra karyść užyvańnia siezonnych praduktaŭ miascovaha pachodžańnia i rekamiendujuć nie nabyvać adnarazovyja tavary, a vykarystoŭvać, naprykład, akumulatarnyja batarejki zamiest adnarazovych abo šmatrazovyja sumki zamiest płastykavych pakietaŭ.
Napiaredadni čempijanatu śvietu pa chakiei daviedniki byli razasłanyja ŭ haścinicy, chostieły, kaviarni, restarany i inšyja hramadskija miescy stalicy.
Mapu taksama možna spampavać na sajcie CER.
Kamientary