Były supracoŭnik amierykanskich śpiecsłužbaŭ Edvard Snoŭden adpraviŭ aficyjny zapyt uładam Brazilii ab pradastaŭleńni jamu prytułku Pra heta ŭ paniadziełak, 2 červienia, paviedamlaje Agence France-Press.
U intervju brazilskamu telekanału Globo Snoŭden raspavioŭ, što hatovy pierajechać z Rasii ŭ Braziliju, kali budzie mahčymaść. «Termin pradastaŭleńnia mnie prytułku tut zakančvajecca ŭ pačatku žniŭnia. Kali Brazilija prapanuje mnie prytułak, to ja z radaściu vaźmu hetuju prapanovu», — skazaŭ jon.
Snoŭden dadaŭ, što «nikoli nie źbiraŭsia adpravicca žyć u Rasiju», a «lacieŭ u Łacinskuju Amieryku, u Ekvador», ale pierapyniŭ padarožža, bo jaho pašpart anulavali amierykanskija ŭłady.
Jon taksama zapeŭniŭ, što nikoli nie prapanoŭvaŭ pieradać sakretnyja dakumienty ŭ abmien na pradastaŭleńnie prytułku ŭ jakoj by tam ni było krainie.
MZS Brazilii śćviardžaje, što pakul nie atrymaŭ aficyjnaha zapytu ad byłoha supracoŭnika CRU i Ahienctva nacyjanalnaj biaśpieki, adznačaje AFP.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary