Prezident ZŠA Barak Abama zaprasiŭ u Kanhresa miljard dalaraŭ na ŭzmacnieńnie amierykanskaj vajennaj prysutnaści ŭ Jeŭropie. Pavodle jaho słoŭ, dadatkovyja subsidyi na patreby armii dapamohuć supakoić sajuźnikaŭ pa NATO.
Niespakoj partnioraŭ ZŠA vyklikany dziejańniami Rasii ŭ dačynieńni da Ukrainy, paviedamlaje Associated Press.
Abama raspavioŭ, što hetyja hrošy pojduć na ŭzmocnienuju padrychtoŭku i ratacyju vojskaŭ, dysłakavanych u Jeŭropie. Akramia taho, ZŠA źbirajucca pavialičyć prysutnaść svaich VMS ŭ Čornym i Bałtyjskim morach.
Hetak ža amierykancy majuć namier pavysić vajenny patencyjał krain, jakija nie ŭvachodziać u NATO, ale pry hetym miažujuć z Rasijaj — Ukrainy, Małdovy i Hruzii.
Ab hetych płanach Abama raspavioŭ padčas vizitu ŭ Polšču, ź jakoha pačałosia jaho čatyrochdzionnaje jeŭrapiejskaje turne. Pryziamliŭšysia ŭ Varšavie, amierykanski lidar zajaviŭ, što ZŠA staviacca da biaśpieki ŭ Jeŭropie hetak ža surjozna, jak i da svajoj.
«Heta naš abaviazak, jakaja asabliva važnaja mienavita ŭ hety čas», — skazaŭ prezident, stojačy na fonie amierykanskich i polskich źniščalnikaŭ F-16.
Obama zaczął przemówienie po polsku: Dzień dobry! Wspaniale znów być w Polsce
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary