U Abjadnanaj transpartna-łahistyčnaj kampanii Biełaruś atrymaje 5-pracentnuju dolu

Heta adbudziecca na druhim etapie, kali biełaruski bok ŭniasie ŭ Statutny fond adzinaha apieratara Mytnaha sajuza terminał u Breście.

«Viedomostiam» stali viadomyja padrabiaznaści stvareńnia Abjadnanaj transpartna-łahistyčnaj kampanii (ATŁK).

ATŁK budzie stvaracca ŭ dva etapy: na pieršym RŽD pieradaść u jakaści majomasnaha ŭniosku 50 % plus 2 akcyi «Transkantejnier» i 100 % «RŽD łahistyki» (na 30 červienia 2013 h. ahulny košt aktyvaŭ — 39 młrd ras. rubloŭ, ź jakich 90 % — košt «Transkantejnier»), KŽD i BČ — pa 32 młn ras. rubloŭ. U vyniku dola RŽD ŭ ATŁK budzie 99,8 %, u partnioraŭ manapolii — pa 0,1 %. Na druhim etapie partniory RŽD uniasuć svaje aktyvy ŭ kapitał ATŁK: KŽD — «Kaztranśsiervis», «Kiedentranśsiervis» (kantejniernyja apieratary, jakija vałodajuć terminałami na miažy z Kitajem — Dostyk i Ałtynkolem), BČ pieradaść akcyi kampanii, jakaja vałodaje terminałam u Breście. U vyniku dola RŽD ŭ ATŁK źnizicca da 74 %, KŽD — pavialičycca da 21%, BČ — da 5 %. Akcyjaniery ATŁK mohuć pavialičvać svaju dolu ŭ kampanii, vykupiŭšy jaje za košt dyvidendaŭ, kaža fiederalny čynoŭnik.

Dyvidendy ATŁK da 2021 hoda składuć 27 młrd ras. rubloŭ (RŽD atrymaje 19 młrd ras. rubloŭ), havorycca ŭ biznes-płanie kantejniernaha apieratara Mytnaha sajuza. Kiravać ATŁK jaje akcyjaniery buduć na parytetnych umovach: u kožnaha budzie pa try miescy ŭ saviecie dyrektaraŭ. Heta budzie prapisana ŭ akcyjaniernaje pahadnieńnie.

Rasiejski ŭrad zachavaje kantrol nad aktyvami RŽD, jakija buduć pieradadzienyja ŭ ATŁK.

U akcyjaniernym pahadnieńni ATŁK paznačany pytańni, jakija patrabujuć uchvały ŭsich členaŭ savieta dyrektaraŭ: vypłata dyvidendaŭ, źmianieńnie statuta i inš. Dakumient pakazvaje i na varyjanty vyrašeńnia «tupikovych situacyj» (deadlock), kali pradstaŭniki akcyjanieraŭ nie hałasujuć adnahałosna. Tady rašeńnie «vynosicca na razhlad kiraŭnikoŭ akcyjanieraŭ. U vypadku niedasiahnieńniem zhody na hetym etapie i ŭ vypadku atrymańnia na toje zhody ŭpaŭnavažanaha dziaržaŭnaha orhana (u Rasii — heta ŭrad) luby z akcyjanieraŭ maje prava zajavić ab svaim vychadzie z prajekta», havorycca ŭ dakumiencie. Pry vychadzie akcyjanier ATŁK atrymlivaje uniesienyja ŭ kampaniju aktyvy nazad.

RŽD moža vyjści z prajekta, kali abodva partniory nie ŭnieśli aktyvy va Uzhodnieny termin ci kali nie dasiahnuty čakany efiekt ad stvareńnia ATŁK, a taksama kali prajekt akazaŭ niehatyŭny ŭpłyŭ na pakazčyki «Transkantejnier», udakładniaje adzin z surazmoŭcaŭ «Viedomostiej». ATŁK dapamoža pieraklučyć na čyhunku hruzy z Kitaja, jakija ciapier pieravoziacca marskim transpartam praz Suecki kanał.

• 0
• 0
• 0
• 0
• 0
• 0
• 0
• 0