Dziaržstandart vydaŭ pradpisańnie ab kanfiskacyi z handlovaj sietki impartnych chaładzilnikaŭ «Indezit».
Heta źjaviłasia vynikam pravierki, praviedzienaj inśpiekcyjaj Dziaržstandarta pa Minskaj vobłaści i Minsku ŭ filijale TAA «Tytuń Inviest» «Handlovy centr «Karona» ŭ stalicy, paviedamlaje pres-słužba kamiteta.
Čatyry najmieńni chaładzilnikaŭ handlovaj marki «Indezit» — BIA 18NF, BIA 20, BIA 20Ch i IB 201S (vytvorčaść ZAT «Indezit Internešnł», Lipieck, Rasija) — realizoŭvalisia «z parušeńniami patrabavańniaŭ biaśpieki, ustanoŭlenych u dziaržaŭnym standarcie na hetuju pradukcyju».
U chodzie vyprabavańniaŭ vyśvietliłasia, što pryłada macavańnia sietkavaha šnura nie była zafiksavana naležnym čynam: jaho paškodžańnie adbyłosia «ŭžo paśla trochrazovaha prykładańnia ciahnučaha namahańnia zamiest 25-razovaha, praduhledžanaha standartam».
Mantaž i macavańnie sietkavaha šnura nie zabiaśpiečvali nadziejnaść zaziamleńnia chaładzilnika, tym samym «nie była vyklučana mahčymaść paražeńnia elektryčnym tokam pry vykarystańni prybora».
Akramia taho, zapravačnyja trubki mator-kampresaraŭ mieli vostryja kanty, jakija stvarajuć niebiaśpieku dla spažyŭca pry ekspłuatacyi i absłuhoŭvańni im vyrabaŭ.
Miž tym na ŭsie nazvanyja chaładzilniki jość siertyfikaty adpaviednaści Mytnaha sajuza, vydadzienyja ŭ Rasii.
«Karonie» vydadziena pradpisańnie «ab arhanizacyi viartańnia spažyŭcami i źniaćcia z abaračeńnia pravieranaj pradukcyi». Materyjały ab vyjaŭlenych administracyjnych pravaparušeńniach i prymianieńni štrafnych sankcyj pieradadzieny ŭ sudovyja orhany.
Akramia taho, aficyjnaja infarmacyja ab vynikach pravierki budzie nakiravana ŭ Fiederalnuju słužbu pa akredytacyi «Rasakredytacyja» dla acenki dziejnaści orhana pa siertyfikacyi, jaki vydaŭ siertyfikat adpaviednaści.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ26
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary