«Hazprom» bolš nie maje namier pieranosić terminy pieravodu na pieradapłatu «Naftahaz Ukrainy».
Pra heta zajaviŭ žurnalistam kiraŭnik «Hazproma» Alaksiej Miler.
Jon dadaŭ, što apošni termin apłaty doŭhu 10.00 msk 16 červienia.
Miler adznačyŭ, što «Hazprom» pavinien ubačyć na svaich rachunkach $1,951 młrd».
Kiraŭnik «Hazproma» dadaŭ, što ŭ advarotnym vypadku ŭvodzicca režym pieradapłaty. «Ničoha nie apłačana, pastavak — nul», — reziumavaŭ jon.
Miler rastłumačyŭ, što za listapad-śniežań «Naftahaz» pavinien pieravieści $1,454 młrd i pakazać prahres pa apłacie rachunkaŭ za krasavik i maj.
Kiraŭnik rasijskaj manapolii dadaŭ, što za pieryjad trochbakovych pieramovaŭ doŭh Ukrainy pavialičyŭsia na $2 młrd i ciapier nieapłačanyja pastaŭki składajuć užo 11,150 młrd kubamietraŭ.
Miler zajaviŭ, što premjer Ukrainy Arsienij Jacaniuk sarvaŭ svajoj zajavaj apošni raŭnd trochbakovych pieramoŭ ES, Rasii i Ukrainy pa hazie.
Pavodle jaho słoŭ, zajava Jacaniuka ab namiery Ukrainy płacić nie bolš $268 za tysiaču kuboŭ była zroblena publična ŭ razhar trochbakovych pieramovaŭ ES, Rasii i Ukrainy.
«Hazprom» rasceńvaje pazicyju Ukrainy, jak «adkryty šantaž».
Hazprom «moža ŭvieści abmiežavańni dla jeŭrapiejskich kampanij, jakija buduć zajmacca reviersam hazu dla «Naftahaza». «Reviers — napaŭafieryscki miechanizm. Haz haniajecca pa kole, ale heta rasiejski haz», — zajaviŭ jon.
Jon zajaviŭ, što «reviers supiarečyć kantraktam ź jeŭrapiejskimi kampanijami-pakupnikami rasiejskaha hazu, tamu suprać ich mohuć być uviedzienyja abmiežavańni».
U sieradu ministr enierhietyki i vuhalnaj pramysłovaści Ukrainy Juryj Prodan zajaviŭ, što prapanavanaja Rasijskaj Fiederacyjaj cana ŭ $385 za tysiaču kubamietraŭ hazu nie źjaŭlajecca samaj vyhadnaj na rynku.
Jak paviedamlałasia, RF prapanavała Ukrainie adnavić dziejańnie «źnižki ŭ $100» na haz dla Ukrainy.
U svaju čarhu Ukraina patrabuje ćviorda zamacavać źmianieńnie koštu ŭ kantrakcie pamiž «Hazpromam» i «Naftahazam», pakolki rašeńni ŭrada RF ab «źnižcy» mohuć być admienienyja ŭ luby momant.
Kamientary