Rasija papiaredziła Małdovu ryzykami intehracyi ź ES, paviedamiŭ RIA Naviny namieśnik ministra ekanamičnaha raźvićcia RF Alaksiej Lichačoŭ.
«Małdova nie zmoža spałučać dźvie rehulatarnyja sistemy: SND i ES. Joj daviadziecca rabić niejki vybar. I kali jon budzie na karyść jeŭrapiejskaj sistemy, to sistema SND pierastanie być kamfortnaj. My hetyja dumki danieśli, ale małdaŭskija kalehi kažuć, što zmohuć hetaha paźbiehnuć, i abiacali nam pradstavić adpaviednyja paćvierdžańni», — skazaŭ Lichačoŭ.
Dvuchbakovyja kansultacyi ŭ suviazi z padrychtoŭkaj Małdovy da padpisańnia pahadnieńnia ab asacyjacyi ź ES prajšli na minułym tydni ŭ Kišyniovie. Padpisańnie damovy ź ES namiečana na 27 červienia.
Rasijski čynoŭnik padkreśliŭ, što pazicyja Rasii prahmatyčnaja i nie źviazana z palityčnym vybaram Małdovy: havorka idzie tolki ab ekanamičnych ryzykach.
Akramia taho, u Małdovie ŭ vypadku padpisańnia pahadnieńnia ź ES mohuć uźniknuć supiarečlivyja abaviazacielstvy pa mytnym, transpartnym rehulavańni, sanitarnym i mihracyjnym kantroli. Pryčym najbolš balučymi mohuć apynucca razychodžańni mienavita ŭ halinie prymianieńnia sanitarnych normaŭ i ŭ śfiery mihracyjnaj palityki, skazaŭ Lichačoŭ.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary