Eks-namieśnik načalnika antykarupcyjnaha hłaŭka MUS Rasii Barys Kaleśnikaŭ, jaki znachodziŭsia pad śledstvam, zahinuŭ, vykinuŭšysia padčas dopytu z akna, paviedamlaje pradstaŭnik Śledčaha kamiteta.
Pa słovach aficyjnaha pradstaŭnika SK RF Uładzimira Markina, eks-hienierał, aryštavany ŭ lutym pa abvinavačvańni ŭ pieravyšeńni słužbovych paŭnamoctvaŭ i ŭ arhanizacyi złačynnaj supolnaści, ckončyŭ žyćcio samahubstvam. Pavodle źviestak śledstva, raniej hienierał užo dvojčy nibyta sprabavaŭ źvieści rachunki z žyćciom.
Advakat Kaleśnikava Hieorhij Antonaŭ kaža, što jamu pra zdareńnie viadoma vyklučna sa słoŭ inšaha advakata Čyžykava, jaki taksama nie prysutničaŭ u kabiniecie, kali były hienierał vykinuŭsia z akna.
Pavodle viersii śledstva, Kaleśnikaŭ dziejničaŭ sumiesna sa svaim byłym načalnikam, hienierał-lejtenantam palicyi Dzianisam Suhrobavym, i jašče niekalkimi kalehami. Ź listapada 2013 hoda da lutaha 2014 h. złačynnaja hrupa ździejśniła nie mienš za 10 ciažkich złačynstvaŭ, paviedamlali raniej śledčyja ŭ sudzie.
Kaleśnikaŭ nie pryznavaŭ vinu.
Kamientary