Alaksandr Łukašenka patrabuje zabiaśpiečyć jakasny rost ekanomiki i pavyšeńnie dabrabytu hramadzian. Ab hetym kiraŭnik dziaržavy zajaviŭ siońnia na pasiadžeńni Rady biaśpieki ab prablemnych pytańniach sacyjalna-ekanamičnaha raźvićcia.
«Kab admieści usiakaha rodu pahałoski, skažu adrazu, što z ulikam niekatorych stanoŭčych tendencyj pieršaha kvartała było pryniata rašeńnie zasłuchać spravazdaču ŭrada ŭ pašyranym składzie pa vynikach pracy za pieršaje paŭhodździe», — adznačyŭ jon, adkryvajučy pasiadžeńnie.
Razam z tym kiraŭnik dziaržavy zaŭvažyŭ, što ab surjoznaj stanoŭčaj dynamicy kazać jašče rana. Za studzień-krasavik atrymany nievialiki, krychu bolš za adzin pracent, pryrost VUP.
«Ale prajšoŭ zanadta mały pieryjad času, kab rabić niejkija kančatkovyja vysnovy. Tym bolš što heta pavieličeńnie atrymana za košt roźničnaha i aptovaha handlu, transpartu i budaŭnictva. Jak vy viedajecie, zavieršany šerah maštabnych prajektaŭ pa madernizacyi enierhietyki. Takim čynam, rost VUP zabiaśpiečany ŭ asnoŭnym unutranym popytam», — skazaŭ Alaksandr Łukašenka.
«A voś zastarełyja bolki ŭ pramysłovaści i sielskaj haspadarcy zastalisia. Tam pakul — źnižeńnie vytvorčaści, značnyja składskija zapasy, paharšajecca finansavy stan arhanizacyj i hetak dalej. Hetyja prablemy nie raz ahučvalisia, i ich abaviazkova treba vyrašać», - padkreśliŭ biełaruski lidar.
«Ciapier važnaja, kažučy pa-vajennamu, pravilnaja acenka situacyi, kab, skancentravaŭšy siły na pryjarytetnych kirunkach, zabiaśpiečyć jakasny rost ekanomiki, pavyšeńnie dabrabytu našych hramadzian», - miarkuje kiraŭnik dziaržavy.
Jak adznačyŭ Łukašenka, dla dasiahnieńnia hetych metaŭ Biełaruś udzielničaje ŭ stvareńni Jeŭrazijskaha ekanamičnaha sajuza.
Źviartajučysia da ŭdzielnikaŭ pasiadžeńnia, Alaksandr Łukašenka zapatrabavaŭ ad ich dać adkazy na šerah asnoŭnych pytańniaŭ, i ŭ pryvatnaści, ci atrymałasia prajści nižniuju kropku ŭ trajektoryi raźvićcia
kali adnovicca istotny ŭzdym ekanomiki i što nieabchodna zrabić, kab nie paŭtaryłasia znoŭ situacyja, jakaja pryviała da prablem.
«U nas pavinien adbycca pryncypovy, samakrytyčny, prosta mužčynskaja razmova pa najbolš aktualnych temach, jakimi ŭ bližejšy čas nam treba ščylna zajmacca ŭ ekanomicy i ŭ sacyjalnaj palitycy», — dadaŭ Łukašenka
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary