«Hieroi nie pamirajuć. Karotkaja historyja bieskampramisnaha hieraizmu» — pad takim zahałoŭkam pra hieraizm ŭkrainskich vajskoŭcaŭ padčas bajavych dziejańniaŭ u Łuhanskaj vobłaści paviedamlajecca ŭ Fejsbuku Ministerstva abarony Ukrainy.
…Pry padtrymcy piachoty adnaho z bataljonaŭ terytaryjalnaj abarony tankisty viali boj, vyzvalajučy nasielenyja punkty Ščaście i Mietalist (pad Łuhanskam).
Dla pravierki budynkaŭ i začystki ad bajevikoŭ asabisty skład piachoty śpiešyŭsia. U hety čas z adnaho ź bližejšych damoŭ terarysty pačali vieści prycelny ahoń z aŭtamataŭ, kulamiotaŭ i hranatamiotaŭ.
Niekalkimi strełami z RPH-18 bajeviki padbili tank US Ukrainy T-64. Jon zahareŭsia. Ekipaž chutka pahasiŭ pažar, ale tank zavieści znoŭ nie udałosia. Bajeviki aktyvizavalisia i pačali vieści škvalny ahoń sa strałkovaj zbroi. Tankisty pakinuli padbituju mašynu, adstupili da bližejšaha budynka i zaniali abaronu.
Padčas boju navodčyk tanka byŭ paranieny, straciŭ prytomnaść, i terarysty zachapili jaho ŭ pałon. Śmiarotnyja ranieńni atrymaŭ jašče adzin člen ekipaža — miechanik-kiroŭca.
Da apošniaha trymaŭsia kamandzir ekipaža, praciahvajučy vieści ahoń.
Paranieny, z usich bakoŭ akružany bajavikami, jon padpuściŭ terarystaŭ bližej i tady — vyrvaŭ zahvazdku hranaty i padarvaŭ siabie razam z vorahami…
Kamientary