U Kastopali Rovienskaj vobłaści pravaachoŭniki pačali rasśledavańnie pa fakcie źjaŭleńnia «nadmahilnaha» pomnika z partretam prezidenta Rasii Uładzimira Pucina, paviedamiła «Ukrainskim navinam» krynica ŭ Kastopalskim rajadździele milicyi.
Pavodle jaho słoŭ, 6 žniŭnia rajonnaja arhanizacyja partyi «Pravy siektar» praviała akcyju «pachavańnie Pucina» i pastaviła na ŭjeździe ŭ Kastopal z boku Roŭna nadmahille ź jaho vyjavaj. Pad fota na pomniku nadpis: «1952.10.07 h.» i «9 maja».
Akcyju inicyjavaŭ staršynia Kastopalskaj arhanizacyi «Pravaha siektara» Michaił Ściapčuk.
«Zaraz u Ukrainie dziejničajuć fašysty, jakija zabivajuć našych bratoŭ, a my i dalej hulajem u hetuju palemiku i pieramovy. Treba realna pakazvać usiamu śvietu, chto fašyst, i jak jon robić ź ludźmi», — adznačyŭ Ściapčuk.
Sprava raspačata pa art. 296 Kryminalnaha kodeksa Ukrainy (chulihanstva).
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary