Biełaruskaja pramysłovaść pačynaje asvojvać 3D-druk

U svajoj vytvorčaści 3D-druk vykarystoŭvajuć taksama «Atłant», MTZ, «Bulbaš», «Amkador-Biełvar», «MotaVieła». Na dumku navukoŭcaŭ z Akademii navuk, 3D-drukarki dapamohuć zekanomić srodki.

Prafiesar Siarhiej Čyžyk, člen-karespandent NAN Biełarusi, zhodny z dumkaj, što nieŭzabavie źjavicca trend na indyvidualny vyrab praduktaŭ pry dapamozie 3D. Dadzieny sposab druku (prafiesijanały jaho nazyvajuć adaptyŭnymi technałohijami) dazvalaje apieratyŭna ŭnosić źmieny ŭ pradukcyju — prybirać abo dadavać elemienty, a značyć, chutka adaptavać tavar pad patrabavańni rynku i kankretnaha spažyŭca. Adaptyŭnyja technałohii dazvalajuć vyrablać hieamietryčna i kanstrukcyjna składanyja pradmiety, jakija raniej byli vynikam vyklučna ručnoj pracy.

«Heta dazvalaje ekanomić srodki: nie treba trymać skład, zahadzia vyrablać zapčastki, niepatrebnyja formy. Možna karektavać pamiery partyi. Pa žadańni zamoŭcy ŭ luby momant možna nanieści łahatyp, dadać radok, niešta źmianić — zadavolić luby kapryz», — patłumačyŭ Siarhiej Fiłataŭ, namieśnik zahadčyka adździaleńniem ciepłaabmienu i miechaniki mikra- i nanapamiernych sistem Instytuta ciepła- i masaabmienu imia. A.V. Łykava NAN Biełarusi.

3D-drukarki nie patrabujuć masavaj vytvorčaści praduktu. Dla paraŭnańnia, zapusk niekatorych linij na «Homielškle» zajmaje miesiac, z-za čaho zavodu praściej pracavać na skład, čym marnavać dva miesiacy na prypynak-start abstalavańnia. Z 3D-drukarkaj dadzienaje pytańnie nie ŭźnikaje. 

Pavialičyć

U śviecie značna bolš kampanij, jakija pradajuć 3D-drukarki, čym tych, jakija hatovyja realizoŭvać raschodnyja materyjały — jak akazałasia, raspracavać ich nie tak prosta. Adaptyŭnyja technałohii dazvalajuć drukavać z płastyku, mietału, kieramiki, dreva. Dazvalajuć, ale nie robiać druk dastupnym. Biełaruskija raspracoŭščyki «čarniła» dla 3D-drukarak sutyknulisia, naprykład, z prablemaj usadki materyjału: vyrabili mietaličnuju detal — ź ciaham času jana pamienšała ŭ pamierach. Tym nie mienš, biełaruskaja škoła materyjałaznaŭstva dosyć dobraja, kab z časam vyrašyć hetaje pytańnie.

Navukoŭcy staviać pierad saboj zadaču vyrabić biełaruski 3D-pryntar koštam 100—150 dalaraŭ. Ale heta nie budzie pryłada dla chaty. Druk z palimieraŭ nadzvyčaj škodzić zdaroŭju — raspłaŭleny płastyk vyłučaje niebiaśpiečnyja chimičnyja rečyvy, ad abstalavańnia zychodzić mahutnaje elektramahnitnaje vypramieńvańnie. Tamu śpiecyjalisty kažuć, što taki pryntar nie pavinien stać masavym.

Technałohii 3D-druku isnujuć 26 hadoŭ. U ciapierašni čas šyroka vykarystoŭvajucca ŭ ZŠA i Zachodniaj Jeŭropie ŭ aerakaśmičnaj i vajenna-pramysłovaj abłaściach, a taksama ŭ miedycynie.

• 0
• 0
• 0
• 0
• 0
• 0
• 0
• 0