«Zdradžanyja Uładzimiram Pucinym sałdaty ŭzbrojenych siłaŭ Rasii raspaviadajuć praŭdu ab kryvavaj vajnie na ŭschodzie Ukrainy». Taki zahałovak amierykanski časopis Newsweek raźmieścić na vokładcy nastupnaha numara, piša zn.ua.
Vydańnie zaznačaje, što rasijanka Ludmiła Malinina ŭ Sadzisłaŭskim Kastramskoj vobłaści sa ślaźmi na vačach raspaviała žurnalistam, jak bačyła tajnaje pachavańnie rasijskaha sałdata na miascovych mohiłkach.
Pavodle jaje słoŭ, kala 20:00 hruzavik pryjechaŭ na mohiłki. Ź jaho vyjšli niekalki dužych mužčyn, jakija pačali kapać mahiłu tak, niby «ciškom źbiralisia niešta skraści».
Susiedzi žančyny kažuć, što taksama bačyli tajemnaje pachavańnie. Jany kažuć, što bolšaja častka mohiłak zareziervavanaja dla takich mahił «nieviadomaha sałdata».
Adzin z sałdat uzbrojenych siłaŭ Rasii raspavioŭ Newsweek, jak jaho 98-ju aeramabilnuju bryhadu kinuli pamirać na ŭschodzie Ukrainy. Jon raspavioŭ, što dziasiatki jaho siabroŭ pa zbroi pamierli ź ciažkimi ranieńniami ŭ špitalach Rastova.
A jašče bolš viarnulisia ŭ Rasiju ŭ cynkavych trunach. Pa słovach sałdata, kožny, chto trapiŭ pad prymusam u Danbas, pastajanna adčuvaje strach, bo vierahodnaść stać «hruzam 200» vielmi vialikaja».
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary