13 vieraśnia. U miežach prajekta Ahienctva ZŠA pa mižnarodnym raźvićci (USAID) «Miascovaje pradprymalnictva i ekanamičnaje raźvićcio» ŭ vioscy Biełaja Kamianieckaha rajona Bresckaj vobłaści 13 vieraśnia adkryŭsia muziej-kuźnia. Jon budzie pracavać u ahrasiadzibie «Polski majontak».
Pavodle słoŭ uładalnicy siadziby Taćciany Isajevaj, kavalom budzie jaje muž Siarhiej Piskun, jaki vyrablaje pradmiety bytu i suvieniry. Asnovaj ekspazicyi muzieja buduć staradaŭnija rečy, jakija raniej vykarystoŭvali žychary vioski Biełaja i inšych viosak Kamianieckaha rajona ŭ paŭsiadzionnym pobycie.
Isajeva vykazała nadzieju, što muziej-kuźnia stanie častkaj turystyčnaj zony «Biełaviežski trakt» i siudy aktyŭna buduć pryjazdžać turysty.
Jak paviedamiŭ rehijanalny kaardynatar prajekta USAID Vadzim Prakapčuk, «Biełaviežski trakt» uklučaje ŭ siabie muziej pryrody Nacyjanalnaha parku «Biełaviežskaja pušča» ŭ vioscy Kamianiuki, muziej narodnaha majstra Mikałaja Tarasiuka ŭ vioscy Stojły, muziej u Kamianieckaj viežy, a taksama niekalki ahrasiadzib.
Usiaho, pavodle słoŭ Prakapčuka, u ramkach prajekta stvorana 17 turystyčnych zon (destynacyj) u Bresckaj i Homielskaj abłaściach. Turysckaja destynacyja — centr (terytoryja) z raznastajnymi zručnaściami, srodkami absłuhoŭvańnia i pasłuhami dla zabieśpiačeńnia raznastajnych patreb turystaŭ. Biudžet prajekta, jaki realizujecca PRAAN u Biełarusi, składaje 1 młn. 965 tys. dołaraŭ ZŠA na 2012—2015 hady.
Prakapčuk zaznačyŭ, što ekaturyzm źjaŭlajecca adnym ź siehmientaŭ turystyčnaha rynku Biełarusi, jakija najbolš dynamična raźvivajucca. Pavodle źviestak na 1 studzienia 2014 hoda ŭ krainie dziejničała 1.881 ahrasiadziba, a ŭ 2006 hodzie ich było tolki 34. Adnak, praciahnuŭ śpiecyjalist, «niahledziačy na ŭražalny rost, pasłuhi ŭ śfiery ekaturyzmu ŭ Biełarusi na hety momant nie zusim adpaviadajuć mižnarodnym standartam». Kab u poŭnaj miery vykarystać mahčymaści ekaturyzmu ŭ jakaści ruchalnaj siły sacyjalna-ekanamičnaha raźvićcia sielskich terytoryj, «nieabchodny namahańni pa pavyšeńni patencyjału miascovych subjektaŭ ekaturyzmu».
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Ciapier čytajuć
Ź Ministerstva kultury zvolnili pieršaha namieśnika Markava1
Kamientary