Łabaratorny modul «Fiły» (Philae) paśpiachova sieŭ na pavierchniu kamiety 67P / Čurumava — Hierasimienka. Heta histaryčnaja padzieja, bo adbyłasia takaja pasadka ŭpieršyniu.
Infarmacyja pra pasadku kamiety była sustreta radasnymi vokličami i abdymkami rabotnikaŭ centra kiravańnia palotaŭ u niamieckim Darmštacie.
«Heta kałasalny krok dla čałaviectva», — skazaŭ hienieralny dyrektar Jeŭrapiejskaha kaśmičnaha ahienctva Žan-Žak Dardoj.
Adrazu paśla pasadki Stefan Ułamiec, jaki adkazvaŭ za apieracyju, skazaŭ: «Fiły» na suviazi z nami … my na kamiecie «.
Modul pahłybiŭsia na 4 sm u pavierchniu kamiety, adnak śpiecyjalnyja jakary, jakija pavinny byli zamacavać «Fiły», nie spracavali.
U centry kiravańnia apieracyjaj vyrašajuć, ci pradprymać paŭtornuju sprobu macavańnia.
Raniej śpiecyjalny ruchavik, jaki pavinien byŭ nadać paskareńnie modulu pry nabližeńni da pavierchni, taksama nie spracavaŭ.
Pryroda i ŭłaścivaści pavierchni kamiety nieviadomyja — jana moža być ćviordaj, a moža być i druzłaj.
Hety kaśmičny abjekt adkryli savieckija astranomy Śviatłana Hierasimienka i Klim Čurumaŭ u 1969 hodzie. Zaraz jany sočać za vysadkaj Philae na kamietu ŭ štab-kvatery ŭ centry kiravańnia palotami ŭ niamieckim Kiolnie.
Klim Ivanavič Čurumaŭ — saviecki i ŭkrainski astranom i dziciačy piśmieńnik, adzin ź pieršaadkryvalnikaŭ kamiet Čurumava-Hierasimienka (1969) i Čurumava-Saładoŭnikava. Jon źjaŭlajecca členam Nacyjanalnaj akademii navuk Ukrainy i Ńju-Jorkskaj akademii navuk. Akramia hetaha, jon vydaje navukova-papularny časopis «Naša Nieba» i źjaŭlajecca dyrektaram kijeŭskaha płanietaryja. K. I. Čurumaŭ źjaŭlajecca aŭtaram navukova-papularnych knih i niekalkich zbornikaŭ vieršaŭ dla dziaciej.
Kamientary