Žytkavickim rajonnym adździełam Śledčaha kamiteta raspačata kryminalnaja sprava pa č. 1 art. 139 (zabojstva) Kryminalnaha kodeksa RB pa fakcie vyjaŭleńnia ŭ svajoj kvatery žančyny z prykmietami hvałtoŭnaj śmierci.
Pra heta paviedamlaje pres-słužba SK ranicaj u paniadziełak.
Paviedamleńnie pra vyjaŭleńnie trupa pastupiła ŭ pravaachoŭnyja orhany ad muža zabitaj. Sledča-apieratyŭnaja hrupa, jakaja prybyła na miesca zdareńnia, praviała ahlad kvatery, padčas jakoha byli kanfiskavanyja pryłady złačynstva, skryvaŭlenaje adzieńnie padazravanaha i inšyja pradmiety, jakija majuć dokaznaje značeńnie.
Supracoŭniki kryminalnaha vyšuku Žytkavickaha RAUS na praciahu niekalkich hadzin zatrymali niepaŭnaletniaha.
Ustanoŭlena, što 28 listapada prykładna ŭ 15.30 11-kłaśnik, znachodziačysia ŭ kvatery,
u chodzie svarki sa svajoj maci nanios joj nie mienš za piać udaraŭ kuchonnaj siakierkaj u hałavu i nie mienš za dziesiać udaraŭ nažom u vobłaść hrudnoj kletki i brušnoj połaści.
Ad atrymanych cialesnych paškodžańniaŭ 39-hadovaja žančyna pamierła na miescy zdareńnia.
Padazravany źmieščany ŭ izalatar časovaha ŭtrymańnia. Jon pryznaŭsia ŭ zroblenym. Ź jaho udziełam praviedziena pravierka pakazańniaŭ na miescy zdareńnia z vykarystańniem videazapisu.
Vyrašajecca pytańnie pra abrańnie da jaho miery strymańnia ŭ vyhladzie zaklučeńnia pad vartu.
Kamientary