15 śniežnia startuje adkryty konkurs na raspracoŭku novaha łahatypa asacyjacyi «Fiederacyja chakieja Respubliki Biełaruś», paviedamiŭ na pasiadžeńni vykankama asacyjacyi 12 śniežnia ŭ Minsku hienieralny sakratar arhanizacyi Jarasłaŭ Zaŭharodni.
Jon adznačyŭ, što z času praviadzieńnia čempijanatu śvietu pa chakiei — 2014 u Minsku fiederacyja «pačała pracu ŭ kirunku raźvićcia markietynhu». Dla hetaha «byŭ sfarmiravany novy adździeł», i markietynh u fiederacyi pieratvaryŭsia ŭ «adzin z pryjarytetnych kirunkaŭ».
Ciapierašni łahatyp vykanany ŭ kolerach dziaržaŭnaha ściaha i abyhryvaje abrevijaturu fiederacyi. Hienieralny sakratar vykankama FCHRB kanstatavaŭ, što łahatyp «nie vidaźmianiaŭsia 23 hady», tamu patrabuje abnaŭleńnia.
Pavodle słoŭ Zaŭharodniaha, na praviadzieńnie adkrytaha konkursu advodzicca adzin miesiac. Jon nie vyklučyŭ, što fiederacyja moža samastojna ŭdaskanalić toj varyjant, jaki budzie nazvany pieramožcam pa vynikach konkursu. Dla ŭdziełu ŭ konkursie płanujecca źviarnucca da prafiesijanałaŭ u halinie dyzajnu.
Novy łahatyp na zaćviardžeńnie vykankama FCHRB pradstaviać u kancy studzienia 2015 hoda.
Paśla hetaha fiederacyja maje namier źmianić svoj karparatyŭny styl, a taksama pačnie raspracoŭku novaj aficyjnaj suvienirnaj pradukcyi.
Na aficyjnym mierapryjemstvie byli vyrašany niekatoryja arhanizacyjnyja pytańni. U pryvatnaści, Uładzimir Praskuraŭ zaćvierdžany ŭ jakaści staršyni sudziejskaha kamiteta. Členy vykankama fiederacyi zaćvierdzili skład sudziejskaha i dyscyplinarnaha kamitetaŭ, a taksama dakumienty, jakija rehłamientujuć ich dziejnaść. Akramia hetaha, zaćvierdžana pałažeńnie ab sponsarach i partniorach FCHRB, a taksama pryniaty normy apłaty sudździaŭ na mižnarodnyja matčy.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary