Z 9 śniežnia za rehistracyju sajta ŭ Biełarusi treba budzie zapłacić 0,5 bazavaj vieličyni zhodna z pastanovaj Savieta ministraŭ 5/39962.
0,5 bazavaj vieličyni (kala 90 tysiač na siońniašni dzień) budzie ŭnosić nie čałaviek ci arhanizacyja, što zaklučyli damovu z chostynh-pravajderam, a sam pastaŭščyk internet-pasłuh, paviedamlaje TUT.BY. Pastaŭščyk u svaju čarhu sam vyrašaje, jak zdymać płatu z karystalnika.
Taksama ŭładalnik zarehistravanaha resursu abaviazany paviedamlać pastaŭščyku internet-pasłuh ab źmienie rehistracyjnaj infarmacyi pra resurs albo spynieńni jaho vykarystańnia ŭ piacidzionny termin z dnia ŭźniknieńnia adpaviednych abstavin. A pastaŭščyk internet-pasłuh u piacidzionny termin z dnia atrymańnia paviedamleńnia — nakiravać adpaviednuju zajavu ŭ RUP «BiełDIE».
Źviestki pieradajucca nie tolki ŭ AAC, ale i ŭ NCAT, zaŭvažaje Electroname. «BiełDIE» abaviazana pradstaŭlać infarmacyju ab dziaržrehistracyi sajta lubomu achvotnamu anłajn.
Kali sajt biełaruskaj arhanizacyi nie raźmieščany na terytoryi Biełarusi i (ci) nie zarehistravany va ŭstanoŭlenym paradku, da ŭładalnika moža być ŭžyta administracyjnaje spahnańnie ŭ vyhladzie štrafu ad 10 da 30 bazavych vieličyń.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary