Handbalist Siarhiej Rutenka: Padtrymlivaju palityku Biełarusi i dziejańni Rasii nakont Ukrainy
Lidar handbolnaj zbornaj Biełarusi Siarhiej Rutenka raspavioŭ, što ŭ vajennych dziejańniach na terytoryi Ukrainy padtrymlivaje palityku Biełarusi i dziejańni Rasii.
— U hulni možna mnohaje pradkazać. U žyćci siužety časam składaniejšyja. Sočyš za tym, što adbyvajecca va Ukrainie?
— U mianie niamała svajakoŭ pa abodva baki kanfliktu. Tamu cikavyja ŭsie punkty hledžańnia. Ja ž padtrymlivaju palityku našaj dziaržavy i dziejańni Rasii. Na moj pohlad, heta adna ź niešmatlikich krain, jakija mohuć skazać «nie» tamu, što adbyvajecca ŭ hłabalnaj palitycy. I zaraz jaje za heta karajuć. Mnie zdajecca, na miescy rasijcaŭ ja dziejničaŭ by hetak ža.
— Što dumajuć na hety kont chłopcy z zbornaj?
— Kali abmiarkoŭvajem hetyja prablemy, kožny imkniecca abhruntavać svajo mierkavańnie. Choć ciapier ciažka razhladzieć abjektyŭnuju karcinu. U aśviatleńni padziej kožny imkniecca pieraciahnuć koŭdru na svoj bok. Ale kali ŭ ciabie jość arhumienty, ludzi, jak praviła, ź imi zhadžajucca. A kali nie, to my dyskutujem - bałazie času ŭ darozie chapaje. Jak usio zakančvajecca? Dziakuj bohu, biez bojek… - skazaŭ Rutenka
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary