Rasijskija čynoŭniki padpisali list za stvareńnie «patryjatyčnaha internetu»
Ministr kultury Miadzinski, vice-premjer Rahozin, kinarežysior Michałkoŭ i inšyja padpisali «Zajavu rasijskaha vajenna-histaryčnaha tavarystva», raspaviadaje TJournal.
Tekst lista raspaviadaje pra «vajnu za rozumy», jakaja «viadziecca z toj ža biaźlitasnaściu, ź jakoj prychodziłasia našym dziadam bicca ŭ Sievastopali, pad Stalinhradam i ŭ bitvie za Bierlin».
Aŭtary lista zaklikajuć «nie praspać moładź», kažuć ab nieabchodnaści «patryjatyčnaha trendu», «filmaŭ, knih, vystaŭ, sučasnych videahulniaŭ, patryjatyčnaha internetu, patryjatyčnaha radyjo i TV».
Krainy Jeŭropy raniej zaklikali raspracavać płan baraćby z rasijskaj prapahandaj. Płan pa stvareńni «kontrprapahandysckaha» telekanała namieśnik ministra zamiežnych spraŭ Rasii nazvaŭ «nieadpaviednym samomu paniaćciu svabody słova».
***
Sapraŭdy patryjatyčny internet isnuje ŭ Paŭnočnaj Karei. Nacyjanalnaja sietka KNDR zaviecca «Kvanmion», dostup u jaje dazvoleny «prostym śmiarotnym». Akramia miascovaj prapahandy dy navinaŭ tam prysutničajuć vyhružanyja ź internetu staronki, jakija adpaviadajuć nacyjanalnaj ideałohii Čučchie. Da suśvietnaha pavucińnia majuć dostup nie bolš za niekalki tysiač kampjutaraŭ (šerah arhanizacyj i partyjnych dziejačoŭ), na krainu prychodzicca tolki 1024 IP-adrasy.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary