Kiraŭnik administracyi Hankonha Lan Čžeńjin u svaim pieršym pasłańni da parłamientaryjaŭ u novym hodzie zajaviŭ, što žycharam Hankonha treba budzie zrabić vybar pamiž imknieńniem da demakratyi i ekanamičnym rostam.
Pry hetym palityk padkreśliŭ, što imknieńnie da demakratyi pavinna ŭzhadniacca z zakonam, inakš demakratyčnyja pamknieńni pryviaduć Hankonh da anarchii.
Niekalki deputataŭ zakanadaŭčaha schodu Hankonha zładzili šumnuju akcyju pratestu, zaklikaŭšy Lan Čžeńjina syści ŭ adstaŭku.
Z kastryčnika da kanca śniežnia ŭ Hankonhu prachodzili akcyi pratestu prychilnikaŭ demakratyčnych reformaŭ.
Demanstracyi pačalisia z-za taho, što šmat chto z žycharoŭ Hankonha byli niezadavolenyja rašeńniem uładaŭ KNR pravodzić adbor kandydataŭ na vybarach administracyi Hankonha, jakija projduć u 2017 hodzie. Demanstranty patrabavali pramych pieramovaŭ ź Piekinam.
Kamientary