Alaksandr Łukašenka pravioŭ kadravyja pierastanoŭki va Uzbrojenych Siłach. Jak paviedamili ŭ pres-słužbie kiraŭnika dziaržavy, adpaviednyja ŭkazy jon padpisaŭ 15 studzienia.
Kiraŭnik dziaržavy naznačyŭ pałkoŭnika Andreja Hurceviča načalnikam fakulteta Hienieralnaha štaba — namieśnikam načalnika Vajennaj akademii, vyzvaliŭšy jaho ad pasady kamandujučaha vojskami Zachodniaha apieratyŭna-taktyčnaha kamandavańnia Vajenna-pavietranych sił i vojskaŭ procipavietranaj abarony Uzbrojenych Sił Biełarusi.
Taksama jon naznačyŭ hienierał-majora Alaksandra Valfoviča kamandujučym vojskami Paŭnočna-zachodniaha apieratyŭnaha kamandavańnia Uzbrojenych Sił, vyzvaliŭšy jaho ad pasady načalnika štaba — pieršaha namieśnika kamandujučaha vojskami Paŭnočna-zachodniaha apieratyŭnaha kamandavańnia Uzbrojenych Sił.
Hienierał-major Valeryj Hniłazub naznačany načalnikam štaba — pieršym namieśnikam kamandujučaha vojskami Paŭnočna-zachodniaha apieratyŭnaha kamandavańnia Uzbrojenych Sił, jon vyzvaleny ad pasady načalnika 72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ Uzbrojenych Sił.
Pałkoŭnik Ihar Karol naznačany načalnikam 72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ Uzbrojenych Sił Biełarusi.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary