U Biełarusi prapanujuć zabaranić prodaž ałkaholu asobam, maładziejšym za 21 hod
Biełaruskija deputaty buduć inicyjavać uviadzieńnie zabarony na prodaž ałkaholu asobam, maładziejšym za 21 hod.
Pra heta paviedamiŭ siońnia deputat pałaty pradstaŭnikoŭ Mikałaj Ivančanka na pasiadžeńni Minabłvykankama, dzie razhladalisia vyniki pracy pa baraćbie sa złačynnaściu i karupcyjaj u Minskaj vobłaści ŭ 2014 hodzie, paviedamlaje BiełTA.
Na dumku deputata, prybytak ad vytvorčaści ałkaholu niesuvymierny z toj škodaj, jaki jon nanosić krainie.
«Dziejsnaj prahramy pa supraćdziejańni ŭžyvańniu ałkaholu siońnia nie bačna. Prapanuju razam z narkołahami i inšymi śpiecyjalistami Minskaj vobłaści ŭnieści va ŭrad surjoznyja prapanovy, kab pryniać prahramu, dzie byli b zamacavany zabaronu na prodaž ałkaholu asobam maładziejšym za 21 hod, skaračeńnie kropak prodažu ałkaholu i šerah inšych prapanoŭ», — adznačyŭ Mikałaj Ivančanka. Jašče adno pytańnie, na jakoje treba źviarnuć uvahu, heta rekłama piva na telebačańni, miarkuje deputat.
Prapanavanyja miery mahli b dać surjoznyja vyniki ŭ płanie skaračeńnia spažyvańnia ałkaholu. «Deputaty buduć padymać hetyja pytańni, ale chaciełasia b, kab da hetaha padklučylisia ŭsie zacikaŭlenyja», - dadaŭ Mikałaj Ivančanka.
Apytanka
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary