Biełaruskaja delehacyja na čale z namieśnikam ministra sielskaj haspadarki i charčavańnia Iharam Bryło ŭ chodzie vizitu ŭ ZŠA pravodzić pracu pa dyviersifikacyi ekspartu. Ab hetym paviedamiŭ načalnik hałoŭnaha ŭpraŭleńnia źniešnieekanamičnaj dziejnaści Minsielhascharča Alaksiej Bahdanaŭ.
Pavodle jaho słoŭ, 23 lutaha ŭ Vašynhtonie adbyłasia aficyjnaja sustreča i dziełavyja pieramovy na ŭzroŭni namieśnikaŭ ministraŭ sielskaj haspadarki Biełarusi i ZŠA. Baki abmianialisia infarmacyjaj ab stanie spraŭ u sielskahaspadarčaj, handlova-ekanamičnaj, inviestycyjnaj śfierach i vykazali ŭpeŭnienaść, što hetaja sustreča pasłužyć šturškom da ich raźvićcia.
«Heta sapraŭdy praryŭ u našych adnosinach, pryčym nie tolki na ŭzroŭni viedamstvaŭ, ale i ŭ źniešniepalityčnym płanie. Sprava ŭ tym, što padobnyja da hetych vizity i kantakty na takim uzroŭni nie prachodzili ŭžo na praciahu doŭhaha času. Dziarždepartamient i Ministerstva sielskaj haspadarki ZŠA ŭziali aktyŭny ŭdzieł u padrychtoŭcy našaha vizitu», — adznačyŭ Bahdanaŭ.
Sa svajho boku pradstaŭnik amierykanskaha Minsielhascharča Aleksis Tejłar vykazała zadavalnieńnie tym, što ahrarnyja viedamstvy dźviuch krain stajać u avanhardzie pracy pa naładžvańni biełaruska-amierykanskich adnosinaŭ nie tolki ŭ handlovaj, ale i ŭ źniešniepalityčnaj płoskaści. Jana padziakavała biełarusam za niezaležnuju pazicyju i namahańni pa stabilizacyi situacyi va Ukrainie.
«Taki vizit i ŭzrovień sustreč staŭ mahčymy vyklučna dziakujučy palitycy, jakaja pravodzicca našym prezidentam pa ŭrehulavańni kanfliktu va Ukrainie. Minsk jak stalica miru (mirnych inicyjatyŭ) stała viadomaja va ŭsich kutkach našaj płaniety», — skazaŭ Bahdanaŭ.
Pavodle jaho słoŭ, u chodzie pieramoŭ biełaruski bok zaprasiŭ kiraŭnictva amierykanskaha sielskahaspadarčaha viedamstva naviedać Biełaruś i aznajomicca z pracaj ahrarnaha siektara ŭ miežach mižnarodnaj sielskahaspadarčaj vystavy «Biełahra 2015». Tam płanujecca padpisać pahadnieńni ab parazumieńni i supracoŭnictvie pamiž sielskahaspadarčymi ministerstvami dźviuch krain.
Praca biełaruskaj delehacyi budzie doŭžycca da kanca tydnia. Zapłanavany sustrečy ź ministram sielskaj haspadarki štata Indyjana, pradstaŭnikami amierykanskaha biźniesu, jurydyčnymi, pierapracoŭčymi i handlovymi kampanijami.
Jak paviedamiŭ Bahdanaŭ, u chodzie sustreč biełaruskaja delehacyja praciahnie pracu nad prasoŭvańniem biełaruskich tavaraŭ na amierykanski rynak, pošukam inviestycyj u sielskuju haspadarku Biełarusi, arhanizacyjaj sumiesnaha pradpryjemstva ŭ halinie plemiannoha śvinavodstva i budaŭnictva na terytoryi krainy nukleus-centra plemiannoha statku śviniej.
Za minuły hod pradpryjemstvy Minsielhascharča ekspartavali ŭ ZŠA tavaraŭ bolš čym na 2,5 młn dołaraŭ, što na 50% bolš za uzrovień 2013 hoda.
«Biełaruskaja małočka, chlebabułačnyja i makaronnyja vyraby, soki, rybnaja pradukcyja, kandytarskija vyraby i ałkahol tryvała zamacavalisia na paŭnočnaamierykanskim kantyniencie. Ale ciapier staić zadača naraścić abjomy pastavak, pašyryć asartymient pradukcyi i ŭvajści ŭ amierykanskija handlovyja sietki», — padkreśliŭ načalnik hałoŭnaha ŭpraŭleńnia ZED Minsielhascharča.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?99
Kamientary