Ministerstva abarony: «Navat Stalin nie pabajaŭsia imia Tadevuša Kaściuški»
Na hetym tydni adzin z čytačoŭ «Našaj Nivy» źviarnuŭ uvahu, što z sajta Ministerstva abarony źnikła rubryka «Našy hieroi».
Varta zaznačyć, što hety raździeł sajta nie tak daŭno trapiŭ pad krytyku rasijskich šavinistyčnych vydańniaŭ. Abureńnie vyklikała toje, što ŭ halereju hierojaŭ trapili takija histaryčnyja asoby, jak Usiasłaŭ Połacki, Januš Radzivił, Tadevuš Kaściuška.
Čarnasocienskija vydańni aburalisia, što Ministerstva abarony ŭ hieroi zapisała ludziej, jakija zmahalisia suprać kazakoŭ Bahdana Chmialnickaha i vojskaŭ Alaksandra Suvorava.
Dyk ci nie stała hetkaja krytyka pryčynaj uvohule začynić rubryku? My spytalisia pra heta ŭ pres-słužbie Ministerstva abarony.
Tam «Našu Nivu» zapeŭnili, što na dadzieny momant prachodzić dapracoŭka dadzienaha raździeła. «U nas jość meta abaviazkova ŭklučyć siudy ŭsich značnych biełaruskich vajskovych hierojaŭ. Dziela hetaha vyvučajucca apošnija publikacyi, prachodziać uzhadnieńni. My chočam, kab heta była sapraŭdnaja encykłapiedyja biełaruskaj vajskovaj spravy».
My zapytalisia, ci nie źniknie ŭ vyniku z abnoŭlenaj viersii «Našych hierojaŭ» proźviščy Tadevuša Kaściuški i Januša Radziviła? U pres-słužbie zaspakoili, što nichto nie budzie źniaty.
«Kaściuška zastaniecca. Ja chaču nahadać, što Iosif Visaryjonavič Stalin nie pabajaŭsia dać imia Tadevuša Kaściuški 1-aj polskaj piachotnaj dyvizii», - adkazaŭ pres-sakratar Minabarony.
Varta adznačyć, što Ministerstva abarony adnoj ź niamnohich siarod dziaržaŭnych viedamstvaŭ krainy maje paŭnavartasnuju biełaruskamoŭnuju viersiju sajta.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami20
Kamientary