Adzinaja prafiesijnaja supołka ahučki na biełaruskuju movu ŭ Biełarusi «Kinakonh» źbiraje srodki na ahučku multsieryjała dla samych maleńkich «Śvinka Pepa». Za 47 dzion kamandzie patrebna sabrać 37,5 miljona rubloŭ, heta prykładna 750 tysiač na adnu sieryju.
Hetych srodkaŭ chopić na ahučku 50 sieryj (pieršy siezon) «Śvinki Pepy». Vynik pracy budzie apublikavany ŭ adkrytym dostupie, kab kožny maleńki biełarus zmoh pahladzieć mulcik na rodnaj movie. Mulfilmy buduć vydavacca try razy na tydzień.
Akciorami ahučki vystupiać Hanna Chitryk, viadučaja aktrysa Kupałaŭskaha teatra, lidar hurta «Sunduk», maładaja mama ,a taksama Uładzimier Hłotaŭ, viadučy akcior teatra imia Horkaha, małady baćka. Užo ciapier na YouTube možna ŭbačyć pieršyja dźvie sieryi «Śvinki Pepy» ŭ biełaruskaj ahučcy. Jašče da aficyjnych paviedamleńniaŭ jany sabrali 15 tysiač prahladaŭ.
«My pastajanna pakazvajem filmy pa-biełarusku, i kožny raz źbirajecca pa sto čałaviek. Kožny raz maładyja baćki kažuć, što im krytyčna nie staje mulcikaŭ pa-biełarusku dla samych maleńkich i prasili nas vypravić situacyju. Mienavita tamu my i raspačali hety prajekt. Vielmi važna, što my źviarnulisia da takoj formy, jak kraŭdfandynh. My vyrašyli vyjści z padpolla i zrabić narešcie niešta razam. Tamu šukajem hrošy na ahučku nie ŭ niejkich «sponsaraŭ», ci «donaraŭ», a prosim ich u tych, chto žadaje bačyć biełaruskuju Biełaruś, u jakoj dzietki hladziać mulciki na rodnaj movie», — kiraŭnik prajekta Andrej Kim. Pa jaho słovach, kali hrošaj źbiarecca bolš, jany ahučać nastupnyja sieryi «Śvinki Pepy».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary