«Administracyja kałonii vyrašyła, što jon nastolki «nie staŭ na šlach vypraŭleńnia» i «maje namier vieści złačynny ład žyćcia», što jaho dalejšaje ŭtrymańnie ŭ hetaj vysokamaralnaj ustanovie niemahčymaje», — napisała na svajoj staroncy ŭ «Fejsbuku» Maryna Adamovič, žonka palitviaźnia Mikoły Statkieviča.
«Tamu 9 krasavika niejkaja tam kamisija ŭ škłoŭskaj PK-17 vyrašyła adpravić jaho na turemny režym da kanca terminu. Kali sud, mnie nieviadoma. Jakija-niebudź padrabiaznaści taksama. Viedaju tolki, što na siońnia ŭ jaho 13 spahnańniaŭ, ź jakich 10 — za «admovu ad pracy», — patłumačyła jana.
Pa słovach Maryny Adamovič, Mikoła Statkievič znachodzicca ŭ pamiaškańni bieź dzionnaha śviatła, jamu dazvalajuć prahułku praciahłaściu paŭhadziny na dzień.
Pavodle słovaŭ Adamovič, prablemy z administracyjaj u Statkieviča pačalisia adrazu paśla pieravodu ŭ škłoŭskuju kałoniju z mahiloŭskaj turmy i ŭzmacnilisia paśla taho, jak 24 sakavika jon napisaŭ zajavu ab admovie ad niezakonnych rabot pa samaabsłuhoŭvańni. Jak rastłumačyła Adamovič, takija raboty ŭsie źniavolenyja pavinny vykonvać pa čarzie, pryčym nie bolš za dźvie hadziny ŭ dzień, ale ŭ dačynieńni da Statkieviča hetyja normy administracyja nie vykonvała.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary