Na Litvu ciapier u roznych formach ažyćciaŭlajecca niekanviencyjny napad, i Departamient dziaržbiaśpieki (DDB) pavinien praduchilać varožuju ŭ adnosinach da dziaržavy dziejnaść, śćviardžaje hałoŭny daradca prezidenta Hiedre Kaminskajcie-Sałters.
U aŭtorak prezident Dala Hrybaŭskajcie prymie prysiahu novaha kiraŭnika DDB Darusa Jaŭniškisa. Pa słovach Kaminskajcie-Sałters nievialikaja viadomaść hetaha čałavieka — pieravaha dla hramadstva, jakaja pakazvaje, što pasadu kiraŭnika DDB jon zasłužyŭ svaim dośviedam, a nie vysokimi rejtynhami. Pa słovach daradcy, prezidenckaja administracyja čakaje ad ŭstanovy pad kiraŭnictvam Jaŭniškisa bolšaj aktyŭnaści nie tolki ŭ nazirańni za varožaj ŭ dačynieńni da Litvy dziejnaści, ale i ŭ jaje papiaredžańni.
«Treba pryznać, što na Litvu ŭ ciapierašni čas idzie niekanviencyjnaja ataka — i infarmacyjnyja, kibiernietyčnyja ataki, raspalvajecca varožaść, zasnoŭvajucca cieniavyja struktury. DDB my pavinny bačyć na pieradavoj linii. Nie jak naziralnika, a jak aktyŭnaha ŭdzielnika ŭ baraćbie z nastupstvami hetaj ataki», — skazała daradca.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali7
Kamientary