Asteroid ź dźvie traciny Nacyjanalnaj biblijateki vierniecca da Ziamli
Chutčej za ŭsio, ź Ziamloj jon nie sutykniecca. Ale kali sutykniecca, budzie jak z Tunhuskim mietearytam.
Prykładna 12 kastryčnika 2017 hoda na minimalnuju adlehłaść da Ziamli nablizicca asteroid 2012TC4. piša Phys.org.
Vierahodna, asteroid pralacić mima — šancy sutyknieńnia ź Ziamloj navukoŭcy aceńvajuć u 0,00055%.
Chutčej za ŭsio, jon projdzie mima Ziamli na adlehłaści ŭ 300 tysiač km, što składaje 0,79 siaredniaha radyusa arbity Miesiaca.
Pamiery 2012TC4 mohuć dasiahać 40 mietraŭ (najmienšaja acenka — 12 mietraŭ). Dla paraŭnańnia, rombakubaaktaedr Nacyjanalnaj biblijateki maje dyjamietr kala 60 mietraŭ, a słavuty Čalabinski mietearyt mieŭ dyjamietr kala 20 mietraŭ.
Kali ź niejkich pryčyn 2012TC4 sutykniecca ź Ziamloj, udar budzie paraŭnalnym z vybucham bomby ŭ 5 miehaton u tratyłavym ekvivalencie. Miarkujecca, što prykładna takim byŭ Tunhuski mietearyt — płošča paražeńnia ad jaho ŭdaru była paraŭnalnaj z płoščaj Maskvy.
Asteroid 2012TC4 užo pralataŭ mima Ziamli ŭ 2012 hodzie. Tady dystancyja była navat mienšaj — 0,247 radyusa arbity Miesiaca albo 95 tysiač km.
Na krasavik 2015 hoda astranomy viedajuć 1572 patencyjna niebiaśpiečnych dla Ziamli asteroidy. Da 2050 hoda na adlehłaści, mienšaj za radyus Miesiaca, kala Ziamli pralatuć prynamsi 11 asteroidaŭ.
Kamientary