112.by
Ranicaj 23 krasavika Kalinkavickim padraździaleńniem MNS było atrymana paviedamleńnie pra pažar doma ŭ vioscy Zapolle. Na momant uźniknieńnia pažaru dvuchhadovaja dačka haspadyni znachodziłasia doma adna, sama 25-hadovaja mama ŭ hety čas pajšła pa vadu da kałodzieža. Pa viartańni žančyna ŭbačyła, što z voknaŭ idzie dym, zabiehła ŭnutr i vyniesła dačku na vulicu.
Rabotniki chutkaj dapamohi špitalizavali dziaŭčynku ŭ reanimacyjnaje adździaleńnie z papiarednim dyjahnazam «apioki 1, 2, 3 stupieni (40% cieła)». Dzicia pamierła ŭ balnicy.
Pažar źniščyŭ dach doma, stolevaje pierakryćcie, paškodziŭ ścieny i majomaść. Pryčyna pažaru vyśviatlajecca.
Ratavalniki-pažarnyja zaklikajuć nie pakidać dziaciej adnych.
«Pakinuŭšy biez nahladu małoha navat na 10-15 chvilin, vy možacie pazbavicca dziciaci nazaŭždy. Vyklučycie hulni dziaciej z zapałkami, zapalničkami. Zachoŭvajcie ich u niedastupnych miescach. Rastłumačcie dzieciam niebiaśpieku hulniaŭ z ahniom, paŭtarajcie asnoŭnyja praviły biaśpieki. Demanstrujcie zachavańnie ŭsich praviłaŭ biaśpieki asabistym prykładam», — źviarnuli ŭvahu ŭ MNS.
Kamientary