Minhandlu źbirajecca abaranić biełarusaŭ ad rekłamy ŭ paštovych skryniach
Ministerstva handlu Biełarusi źbirajecca abaranić hramadzian ad dakučlivaj rekłamy — ulotak, jakija štodnia raskidvajucca pa paštovych skryniach. Pra heta ŭ efiry telekanała ANT zajaviła namieśnik ministra handlu Iryna Narkievič:
«My pytańnie ŭžo prapracavali, normy ŭ nas hatovy… My za zabaronu hetaj rekłamy. Spažyviec pavinien vybirać, choča jon hety spam atrymlivać ci nie. Anałahičnyja zabarony ŭ nas byli ŭviedzieny ŭ rekłamie sotavych apierataraŭ. Kali ja nie chaču pa sotavym telefonie atrymlivać rekłamu, ja padpisvajusia: ja nie chaču! I nichto nie maje prava mnie naviazvać, vybiraje sam spažyviec».
Pavodle słoŭ Narkievič, «usie orhany pryniali ŭzhodnienaje rašeńnie» ŭ spravie zabarony rekłamy ŭ paštovych skryniach. Ale kali zabarona pačnie dziejničać, pakul nieviadoma.
Darečy, pytańnie «makułatury» ŭ paštovych skryniach u apošnija hady nieadnarazova ŭzdymałasia ŭ ŚMI. Adzin z deputataŭ Pałaty pradstaŭnikoŭ zajaviŭ, što infarmacyja ŭ rekłamnych ulotkach moža być niepraŭdzivaj. Vosieńniu minułaha hoda adbyŭsia kurjozny vypadak u Homieli, kali ŭ adnu paštovuju skryniu było kinuta 79 rekłamnych ulotak ab prodažy akcyj pradpryjemstva. Cikava, što akcyi pradali jašče za dva miesiacy da hetaha.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary