A ŭ «padatak z darmajedaŭ» žyćcio i Ministerstva pa padatkach i zborach mohuć unieści svaje karektyvy.
Ministerstva pa padatkach i zborach aceńvaje kolkaść vypłatnikaŭ zboru, viadomaha jak «padatak z darmajedaŭ», u 130 tysiač. Ab hetym raspavioŭ BIEŁTA načalnik inśpiekcyi Ministerstva pa padatkach i zborach pa Minsku Uładzimir Łajkoŭ.
Ministerstva ŭžo pačała supolna ź inšymi dziaržorhanami farmavać śpisy vypłatnikaŭ zboru, kaža Łajkoŭ. Rabota pa vyjaŭleńni darmajedaŭ viałasia i raniej.
U pieršym kvartale 2015 hoda ŭ biespracoŭnych hramadzian i hramadzian ź niaznačnymi prybytkami, jakija ździajśniali finansavyja apieracyi na značnyja sumy, było zapatrabavana 59 dekłaracyj ab prybytkach i majomaści. Ekanamičny efiekt skłaŭ 467 młn rubloŭ.
Pa słovach Łajkova, žyćcio ŭnosić svaje karektyvy, na što ministerstva budzie namahacca apieratyŭna reahavać.
«Naprykład, siońnia ŭ dakumiencie prapisana, što płacić padatak nie pryjdziecca mamam abo tatam, jakija vychoŭvajuć dzicia da 7 hadoŭ, — kaža jon. — Mahčyma, varta pierahledzieć hetuju ličbu, vypravić, dapuścim, na 9. Bo dzicia, jakoje tolki pajšło ŭ škołu, u raznastajnyja siekcyi i hurtki, maje patrebu ŭ asablivym dahladzie baćkoŭ».
***
Ahułam u Minsku za pieršy kvartał 2015 hoda było sabrana 20 trłn padatkaŭ, što skłała amal pałovu kansalidavanych prybytkaŭ pa Biełarusi. Za hety čas padatkovaj słužbaj u Minsku było vyjaŭlena 855 parušeńniaŭ zakanadaŭstva fizičnymi asobami (što mieniej za anałahičnyja pieryjady ŭ 2014 i 2013 hadach). U Minsku za pieršy kvartał byli praviedzienyja 189 płanavych pravierak, 131 pazapłanavaja i 125 apieratyŭnych pravierak, pa vynikach jakich spahnana 48 młrd rubloŭ.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary