Znakamity chit biełaruskaha roku zahučyć pa-ŭkrainsku ŭ miežach prajekta hramadskaj kampanii «Budźma biełarusami!» i partała Tuzin.fm.
Rok-zorka ŭkrainskaj litaratury Siarhiej Žadan z hurtom z Charkava «Sobaki v kosmosi» vyrašyŭ pieraśpiavać dla «Global Reload» znakamity chit hurta «Mroja» «Ja rok-muzykant» aŭtarstva Lavona Volskaha i Uładzi Davydoŭskaha. «Pieršapačatkova my chacieli ŭziać pieśniu z tvorčaści Lavona i spynili vybar na hetym tvory, – kaža Siarhiej Žadan. – Pa-pieršaje, adčuli, što moža atrymacca štości całkam inšaje i novaje, pa-druhoje, dla nas vielmi važnaja rytmičnaja padača vakału. Voś u hetym vypadku «Ja rok-muzykant» całkam nam pasavaŭ. U našym razumieńni hetaja pieśnia pra ludziej, jakija dakładna viedajuć, čaho chočuć, i hatovyja za heta bicca».
Sens prajekta «Global Reload» u tym, kab muzyki z roznych krainaŭ śvietu vykanali pieśni na słovy biełaruskich paetaŭ na svajoj movie. Amierykaniec Karł Fryjersan, lidar niamieckaj hrupy De Phazz, zaśpiavaŭ pa-anhielsku pieśniu na słovy Anatola Sysa, u vykanańni hurta Karpatt upieršyniu pa-francuzsku zahučaŭ Uładzimir Karatkievič. A voś lidar «Mašiny vriemieni» Andrej Makarevič vyrašyŭ zaśpiavać pa-biełarusku svaju pieśniu «Śnieh».
«Ja rok-muzykant» pierakłaŭ na ŭkrainskuju movu sam Siarhiej Žadan. Žyvaja premjera pieśni adbudziecca padčas pieršaha ŭ historyi «Žadana i sabak» kancerta ŭ Minsku 4 červienia ŭ Jack Club. Paśla vystupu muzyki źbirajucca jaje zapisać u studyi «Osmos».
Pierad kancertam, u 14.00 u kniharni «łohvinaŬ», adbudziecca «Abied z Žadanom» – aŭtohraf-siesija ŭkrainskaha piśmieńnika z nahody vychadu zbornika «Ukrainskija avijalinii». Knihu składajuć vybranyja vieršy ŭkrainskaha aŭtara ŭ pierakładzie na biełaruskuju Andreja Chadanoviča, a taksama bonus-antałohija «Adzinaccać siabroŭ Žadana».
Videazaprašeńnie na kancert u Minsku ad «Žadana i sabak»
4.06.2015. 19:00. Siarhiej Žadan i «Sobaki v kosmosi». Prezientacyja albomu «Bijsia za nieï». Miesca: Jack Club (vuł.Niamiha, 12). Kvitki ŭ kasach i anłajn u apieratara Kvitki.by. Cana (papiarednie) — 200 000 rub. (tancplac), 250 000 rub. (stolik). Infalinija — +375 29 687-20-93.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary