Prezident Ukrainy Piatro Parašenka rychtuje rašeńnie ab ekanamičnaj błakadzie akupavanych terytoryj Danieckaj i Łuhanskaj abłaściej.
Pra heta siońnia ŭ kułuarach Viarchoŭnaj Rady žurnalistam paviedamiŭ kiraŭnik frakcyi «Błok Piatra Parašenki» Juryj Łucenka.
«Ja sustrakaŭsia sa staršyniami Danieckaj i Łuhanskaj abłasnych administracyj. Na žal, u ich roznaja pazicyja pa hetym pytańni. Kichtenka [kiraŭnik administracyi Danieckaj vobłaści — NN] vystupaje za prazrystuju liniju sutyknieńnia, jakuju mohuć pierasiakać hramadzianie i hruzy ŭ abodva baki. Maskal [kiraŭnik administracyi Łuhanskaj vobłaści — NN] nastojvaje na ekanamičnaj błakadzie akupavanych terytoryj. (…) Maja rekamiendacyja prezidentu była takoj — nieabchodna ŭvieści režym ekanamičnaj błakady dla pieramiaščeńnia hruzaŭ tych pradpryjemstvaŭ, jakija nie płaciać padatki na terytoryi Ukrainy. Prezident padtrymaŭ takuju pazicyju i siońnia rychtujucca usie nieabchodnyja daručeńni dla taho, kab miaža dla pierasiačeńnia hruzami z našaha boku była zakrytaja», — zajaviŭ Łucenka.
Pavodle jaho słoŭ, patrapić na akupavanuju terytoryju zmohuć tolki pradprymalniki, jakija zarehistravanyja na padkantrolnaj ŭkrainskaj uładzie terytoryi. Jon taksama adznačyŭ, što režym ekanamičnaj błakady budzie praciahvacca da taho, pakul Ukraina nie viernie kantrol nad miažoj z RF.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary