U minskim biznes-centry Imaguru (vuł. Fabrycyusa, 4) siońnia projdzie prezientacyja knihi Alaksandra Tamkoviča «Niaskorany Marynič. Historyja ŭ fota».
Heta 17-ja kniha Tamkoviča pra dziejačoŭ biełaruskaj palityki, kultury i hramadztva.
Knihu mierkavali apublikavać da 75-hodździa Michaiła Maryniča. Ale jon nie dažyŭ da hetaj daty. 75 hadoŭ Maryniču spoŭniłasia b 13 studzienia 2015 hoda. Da jubileju jon nie dažyŭ 3 miesiacy — pamior 17 kastryčnika 2014-ha.
«Pracavać nad knihaj ja pačaŭ krychu mienš, čym hod tamu. U toj čas spadar Michaił byŭ vielmi chvory paśla druhoha insultu, amal nie razmaŭlaŭ, tamu chaciełasia niešta dobraje dla jaho zrabić. Uvieś žnivień ja jeździŭ da Maryniča na lecišča. Pieršapačatkova knižka zadumvałasia jak razmovy z Maryničam. Naturalna, ich było vielmi šmat. Ale ja vyrašyŭ zrabić taki farmat: 5 razmovaŭ z Maryničam. Amal usio było hatova, ja navat damaŭlaŭsia ź im, kab pakazać rukapis, ale nie paśpieŭ…
A čamu ja vyrašyŭ napisać pra jaho nie ese, nia narys, a knihu? Pa-pieršaje, mnie šmat chto kazaŭ, što heta byŭ niezvyčajny čałaviek, vielmi sumlenny, ščyry, prystojny. Nu, i pa-druhoje, padšturchnuła jahonaja chvaroba, ź jakoj jon mužna zmahaŭsia da apošniaha. Ja sam prajšoŭ taki ž ispyt, tamu ja, jak nichto inšy, razumieju i spačuvaju. Na žal, treba śpiašacca ŭ žyćci» — raspavioŭ Alaksandar Tamkovič.
U knizie bolš za 120 fatazdymkaŭ.
«Jašče adna pryčyna, čamu ja rablu takija bijahrafičnyja knižki, — u siońniašniaj histaryjahrafii isnuje strašennaja cenzura, i ja vielmi bajusia, što projdzie 15–20 hadoŭ, ludzi ŭžo nia buduć pamiatać, što i jak tam było, chto zmahaŭsia i na čyim baku. Kab nie raspaŭsiudžvalisia mity, stvoranyja prapahandaj, ja vybraŭ dakumentalny žanr», — patłumačyŭ Tamkovič.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha44
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary