Mikrabijołahi raspracavali «supieranaliz» kryvi za 25 dalaraŭ
Pa adnoj kropli možna vyvučyć usie virusy, ź jakimi čałaviek sutykaŭsia za žyćcio.
Hrupa daśledčykaŭ z Harvarda, ZŠA, pradstaviła technałohiju ŭniviersalnaha analizu kryvi VirScan, raspaviadaje NewScientist sa spasyłkaj na artykuł u časopisie Science.
Siońnia ŭ kryvi padčas analizu možna adšukać tolki ślady antycieł, što mohuć pakazać apošnija zaražeńni. VirScan pakazvaje ŭsie virusy za ŭsio žyćcio, navat tyja, što «chavajucca» bieź simptomaŭ.
Dla stvareńnia testu navukoŭcy sabrali źviestki ab pieptydach tysiačy štamaŭ dźviuch socień virusaŭ, adnavili DNK kožnaha virusu, adkaznaje za vypracoŭku prateinaŭ, dy «padklučyli» siehmienty DNK bakteryjafaham — virusam, što paražajuć tolki bakteryjalnyja kletki. Uviadzieńnie madyfikavanych bakteryjafahaŭ u kroŭ dazvalaje pabačyć reakcyju antyciełaŭ i pa joj vyjavić, ź jakimi virusami arhanizm sutykaŭsia raniej.
Zatym praanalizavali kroŭ 600 čałaviek z ZŠA, Tajłanda, Paŭdniovaj Afryki i Pieru. Vyjaviłasia, što bolšaść ludziej sutykajucca za žyćcio ź dziasiatkam virusaŭ, ale niekatorym «šancuje» zarazicca i vaśmiu dziasiatkami.
Mietodyka paraŭnalna tannaja, analiz budzie kaštavać kala 25 dalaraŭ za probu, adna łabaratoryja zmoža apracavać sotniu prob za tydzień.
Siońnia ŭžo isnujuć dastatkova nadziejnyja testy na virusy, ale VirScan budzie karysnym nie tolki dla dyjahnostyki ŭžo viadomych virusaŭ, ale i ŭ razumieńni pavodzin novych virusaŭ.
Da taho ž, navukoŭcy śćviardžajuć, što kantakt z peŭnymi virusami pryvodzić da raźvićcia nie źviazanych naŭprost zachvorvańniaŭ praz šmat hod — test moža vyjavić takuju suviaź.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary