Niama nijakich jurydyčnych padstaŭ dla taho, kab pazbavić Rasiju i Katar pravoŭ na praviadzieńnie čempijanataŭ śvietu pa futbole ŭ 2018 i 2022 hadach. Pra heta havorycca ŭ zajavie Mižnarodnaj fiederacyi futbolnych asacyjacyj (FIFA), jakoje pryvodzić CNN.
Hetaja zajava prahučała ŭśled za kamientarom staršyni kamisii pa aŭdycie FIFA Damienika Skały šviejcarskaj haziecie Sonntagszeitung. Pavodle jaho słoŭ, kali buduć atrymanyja dokazy faktu atrymańnia chabaraŭ u chodzie vybaraŭ krain-haspadyń ČS, to vyniki vybaraŭ mohuć być admienieny.
U toj ža čas jon paviedamiŭ, što pravierka FIFA nie vyjaviła faktaŭ parušeńniaŭ padčas hałasavańnia. Skała dadaŭ, što jamu ničoha nie viadoma pra rasśledavańnie, jakoje paralelna pravodzić FBR ZŠA.
«Rasija i Katar atrymali prava na praviadzieńnie čempijanataŭ śvietu 2018 i 2022 hadoŭ pa vynikach demakratyčnaha hałasavańnia vykankama. Zychodziačy z ekśpiertnych zaklučeńniaŭ i najaŭnych faktaŭ, FIFA nie bačyć nijakich pravavych padstaŭ, kab zabrać prava praviadzieńnia ČS u Rasii i Katara», - padkreślivajecca ŭ zajavie.
«My nie budziem śpiekulavać na mahčymych scenarach i, takim čynam, u nas niama nijakich dalejšych kamientaroŭ na dadzieny momant», - adznačaje FIFA.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary