Kanflikt pamiž kiraŭnikom urada Ukrainy Arsieniem Jacaniukom i kiraŭnikom Adeskaj abłdziaržadministracyi (ADA) Michieiłam Saakašvili hruntujecca na niezadavolenaści abiedźviuma bakami chodam reformaŭ va Ukrainie i nie maje asobovaha faktaru.
Pra heta ŭ intervju ŭkrainskim telekanałam, jakoje vyjšła ŭ efir viečaram 6 vieraśnia, zajaviŭ prezident Ukrainy Piatro Parašenka.
«Heta źjaŭlajecca adlustravańniem niezdavolenaści tempami i hłybinioj reformaŭ va Ukrainie. Hetaja niezadavolenaść jość u ludziej, hetaja niezadavolenaść jość u mianie jak prezidenta, u premjer-ministra i ŭ kiraŭnika Adeskaj ADA. Nie zdymajučy adkaznaści ni z kaho, u tym liku i ź siabie, chaču padkreślić: nijakoha mižasabovaha kanfliktu pamiž premjeram i Saakašvili nie isnuje», — zajaviŭ Parašenka.
Pry hetym jon adznačyŭ, što žadańnie vypraŭlać situacyju majuć i Jacaniuk, i Saakašvili.
«Ci budzie bolš efiektyŭnym praviadzieńnie reformaŭ šlacham vyniasieńnia hetaj dyskusii na publiku — nie ŭpeŭnieny. Ale my pavinny rabić usio, kab zabiaśpiečyć adzinuju efiektyŭnuju i kamandnuju hulniu. Biez hetaha nie budzie nijakaj pieramohi», — dadaŭ Parašenka.
Jak viadoma, raniej kiraŭnik Adeskaj ADA Michieił Saakašvili zajaviŭ, što ŭkrainski ŭrad kantralujujecca aliharchami.
Pavodle jaho, premjer Arsienij Jacaniuk admoviŭsia razhledzieć dakład adnosna koštu avijapieralotaŭ i dziejnaści kiraŭnika Dziaržavijasłužby Dzianisa Antaniuka, jaki byŭ adchileny paśla skandału, ale ŭžo viarnuŭsia na pasadu.
«Ź jakich intaresaŭ zychodzić Jacaniuk: Kałamojskaha abo dziesiatkaŭ miljonaŭ pasažyraŭ Ukrainy? Učora Jacaniuk pryniaŭ rašeńnie na karyść Kałamojskaha. Tak, jak jon rehularna prymaŭ rašeńni na karyść Achmietava i inšych… Kantralujuć ŭkrainski ŭrad ŭsie hetyja aliharchičnyja intaresy», — zajaviŭ Saakašvili.
Hł. taksama:
Saakašvili: Liču siabie padmanutym, brachnia štodzień, Jacaniuk dziejničaje ŭ intaresach Kałamojskaha
Kałamojski nazvaŭ Saakašvili «sabakam biez namordnika», jakich «usyplajuć»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam17
Kamientary