Inflacyja ŭ Biełarusi pa vynikach hoda nie pieravysić prahnozu 18% plus-minus dva pracentnyja punkty. Ab hetym siońnia žurnalistam paviedamiŭ staršynia praŭleńnia Nacyjanalnaha banka Pavieł Kałaŭr.
Pavodle acenak Nacbanka, indeks spažyvieckich cen nie pieravysić prahnozaŭ, zroblenych u pačatku hoda - 18% plus-minus dva pracentnyja punkty. «My ličym, što možna čakać inflacyju nie vyšej za siaredni ŭzrovień prahnozu», — skazaŭ Pavieł Kałaŭr.
Jon adznačyŭ, što ŭ cełym na rynkach siońnia nazirajecca stabilnaja abstanoŭka. «Palityka Nacbanka pravodzicca na hibkaj asnovie, — nahadaŭ Pavieł Kałaŭr. — Va ŭmovach vysokaj niavyznačanaści treba svoječasova ŭmieć reahavać na źmianieńni kanjunktury i asabliva na vykliki».
Što datyčycca płanaŭ Nacyjanalnaha banka na pierśpiektyvu, staršynia praŭleńnia raskazaŭ, što padrychtavany ŭžo nieabchodnyja dakumienty, pa jakich Nacbank budzie vykonvać funkcyi adzinaha mieharehulatara na finansavym rynku. U bližejšy čas hetyja dakumienty ŭniasuć na razhlad kiraŭniku dziaržavy. «Nacbank akramia vykonvajemych ciapier funkcyj budzie zajmacca rehulavańniem strachavoha i fondavaha rynkaŭ. My ŭniasiom taksama prapanovy pa ich raźvićci», - udakładniŭ Pavieł Kałaŭr.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary