Ranicaj 8 vieraśnia na niamieckim aŭtabanie A8 (Karłsrue — Štuthart — Miunchien — Zalcburh) na ŭčastku pamiž haradami Pforcchajm i Chajmschajm zahareŭsia aŭtobus, jaki pieravoziŭ biełaruskich turystaŭ, jakija viartalisia ź Ispanii.
U aŭtobusie ź litoŭskimi numarami znachodziłasia 68 pasažyraŭ. Usim pasažyram i dvum kiroŭcam padčas pažaru ŭdałosia vyjści z aŭtobusa. U dziesiaci pasažyraŭ jość padazreńnie na atručvańnie dymam. Škoda ad pažaru aceńvajecca ŭ 100 tysiač jeŭra.
Jak paviedamlaje tio.by, incydent adbyŭsia z aŭtobusam, jaki pieravoziŭ klijentaŭ kampanii «Interluks tur». «Hrupa našych turystaŭ viartałasia z kłasičnaha tura pa Ispanii z adpačynkam na mory. Zaŭvažyŭšy zadymleńnie, kiroŭcy spynili mašynu i evakujavali ŭsich pasažyraŭ. Naohuł, treba adznačyć, što chłopcy spracavali vielmi apieratyŭna. Što tyčycca bahažu, to praktyčna ŭsie rečy ŭdałosia vyratavać: sumki paśpieli dastać navat z bahažnaha adździaleńnia», — paviedamiła ŭ intervju partału dyrektar kampanii Iryna Špakoŭskaja.
Pavodle jaje słoŭ, byli sapsavanyja pašparty niekalkich turystaŭ, i zaraz pytańnie z atrymańniem imi paśviedčańniaŭ na viartańnie ŭ Biełaruś vyrašajecca ŭ biełaruskim pasoltvie ŭ Varšavie.
«Ciapier turysty jašče praciahvajuć pajezdku: jany pieranačavali ŭ hateli i nakiroŭvajucca ŭ Biełaruś», - skazała Špakoŭskaja.
Kamientary