Nikoli jašče ŭ historyi Biełarusi nie byli takimi vialikimi štrafy ŭ lesie. Tak, za šklanku biarozavaha soku ciapier možna stracić až 1,5 miljona.
Nikoli jašče ŭ historyi Biełarusi nie byli takimi vialikimi štrafy ŭ lesie. Tak, za šklanku biarozavaha soku ciapier možna stracić až 1,5 miljona.
Pra viesnavy ŭźlot štrafaŭ paviedamiŭ namieśnik ministra lasnoj haspadarki Jury Nazaraŭ:
— Pa novym Administracyjnym kodeksie samavolnaja narychtoŭka biarozavaha soku ličycca pravaparušeńniem. Adnosicca da naŭmysnaj škody albo źniščeńnia dreva. U achoŭvanych lasach štraf dla fizyčnaj asoby — ad 620 tysiač rubloŭ da 1,55 miljona. Indyvidualnym pradprymalnikam — da 6,2 miljona. U nieachoŭvanych lasach štrafy dla šarahoŭca — ad 310 da 930 tysiač, a dla IP — ad 310 tysiač da 4,65 miljona.
Ja pacikaviłasia ŭ čynoŭnika, ci zastajecca choć jakaja‑niebudź zakonnaja mahčymaść u viaskoŭcaŭ, jakija žyvuć pry lesie, zdabyvać dla siabie lekavy biarozavy sok?
— Dla hetaha treba abaviazkova naviedać miascovaje laśnictva i daviedacca pra specyjalna vyznačany ŭčastak dla narychtoŭki soku. Ale i tut zasiečki na drevie musić prakantralavać asabista laśničy albo majstar. Inakš znoŭ‑taki daviadziecca płacić štraf, — paviedamiŭ Jury Nazaraŭ.
Niaviedańnie zakonu, jak viadoma, nikoha nie vyzvalaje ad adkaznaści. Pieršym štraf za 10 litraŭ biarozavaha soku atrymaŭ žychar vioski Dziatłava, što ŭ Łuninieckim rajonie na Bieraściejščynie, Ihar Ł.
Tak zvanaje ŭparadkavańnie dziejnaści ludziej u lesie praduhledžvaje abmiežavańni navat dla prychilnikaŭ narodnaj medycyny. Štrafavać buduć sioleta za niezakonny zbor pupyšak, ihołak i halinak chvoi. Navat na hetyja krynicy vitaminaŭ daviadziecca atrymlivać aficyjnyja dazvoły ŭ lashasach.
Fota photo.bymedia.net
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ10
Kamientary