U miežach śviatkavańnia 90‑ch uhodkaŭ BNR u Mahilovie planujecca praviadzieńnie šerahu mierapryjemstvaŭ.
Staršynia arhkamitetu pa śviatkavańniu 90‑ch uhodkaŭ BNR u Mahilovie Vital Makaranka prapanoŭvaje ŭsim mahiloŭcam dałučycca da mierapryjemstvaŭ, jakija buduć ładzić demakratyčnyja siły horadu.
«My ŭžo padali zajaŭku na praviadzieńnie mitynha‑šeścia na 23 sakavika, — havoryć sp. Vital, — akramia hetaha my budziem pravodzić spartovy turnir pa mini‑futbołu siarod amatarskich kamandaŭ horada i šyroka raspaŭsiudžvać litaraturu pra Biełaruskuju Narodnuju Respubliku. Viečaram 25 sakavika budzie arhanizavana viečaryna z bardaŭskim kancertam dla moładzi. Akramia hetaha budzie pravodzicca jašče niekalki mierapryjemstvaŭ, pra jakija ja pakul nie chaču raspaŭsiudžvacca».
«Usie chto žadaje masava adznačyć hetaje śviata, — praciahvaje Vital, — mohuć pajechać u Miensk i pryniać udzieł u mitynhu, a tyja chto nia chočuć jechać kudy‑niebudź i dałučacca da našaha farmatu mierapryjemstvaŭ chaj ładziać svaje. U lubym vypadku ŭ hety dzień nielha być abyjakavym da hetaj padziei».
Sa słovaŭ Vitala Makaranki Dzień Voli — heta śviata adradžeńnia Dziaržavy i tamu jon prapanoŭvaje ŭ hety dzień prajavić jak maha bolš vynachodlivaści i inicyjatyvy ŭ śviatkavańni hetaha śviata.
Nahadajem, što ŭ minułym hodzie na Dzień Voli pradstaŭniki demakratyčnaj apazycyi ŭskładali bieł‑čyrvona‑biełyja kvietki da budynku ciapierašniaha mahiloŭskaha abłasnoha krajaznaŭčaha muzieju horada. U dalokim 1918 hodzie ŭ hetym domie prachodziŭ haradzki schod, u jakim prymała ŭdzieł kala 400 delehataŭ i jakija amal adnahałosna pryznali i padtrymali ŭrad BNR.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary