Słavuty fizik Styvien Chokinh admaŭlaje isnavańnie Boha, ale vieryć u inšapłanietnikaŭ
U intervju ispanskaj haziecie El Pais viadomy fizik-tearetyk Styvien Chokinh zajaviŭ, što boha niama, navuka zdolnaja rastłumačyć usie pracesy, što adbyvajucca ŭ pryrodzie, a štučny intelekt moža pierasiahnuć čałaviečy ŭžo praz 100 hadoŭ.
Chokinh zajaviŭ: «Ja vykarystoŭvaju słova «boh», ale tolki ŭ adciahnienym sensie, hetak ža jak Ejnštejn, kali kazaŭ pra zakony pryrody. Navuki dastatkova dla taho, kab rastłumačyć uźniknieńnie śvietu, i niama nieabchodnaści błytać siudy boha».
Adnak isnavańnie inšapłanietnikaŭ fizik, jak vynikaje ź jaho słoŭ, nie vyklučaje. «Mahčyma, inšapłaniecianie stanuć zachopnikami i buduć kałanizavać usie płaniety, da jakich zmohuć dabracca. Majo matematyčnaje myśleńnie kaža pra toje, što raźliki i ličby całkam dazvalajuć dumać ab inšapłaniecianach jak realna isnujučych stvareńniach. Sapraŭdny vyklik dla nas - heta zrazumieć, jak jany ŭsio-taki mohuć vyhladać ».
Fizik-tearetyk papiaredziŭ i pra toje, što ŭ chutkaj budučyni čałaviectvu pryjdziecca surjozna padumać pra pahrozu z boku kampjutaraŭ. Jak zajaviŭ Chokinh, praz 100 hadoŭ štučny intelekt moža pa niekatorych paramietrach pierasiahnuć čałaviečy, i tady ludziam pryjdziecca pierakanacca ŭ tym, što ŭ mašyn tyja ž mety, što i ŭ nas. «Ja dumaju, što vyžyvańnie čałaviečaj rasy zaležyć ad taho, ci zmožam my znajści novy dom dzie-niebudź na prastorach Suśvietu, tak jak ryzyka, što Ziamla budzie źniščana jakoj-niebudź katastrofaj, pastupova ŭzrastaje. Mienavita tamu ja chaču, kab usie ludzi zrazumieli važnaść kaśmičnych daśledavańniaŭ », — skazaŭ na zakančeńnie Chokinh.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary