Piša Juryj Sidun.
«Oj, kak krasiva vy havarycie pa-biełaruski!», – taki voklič ja, jak i inšyja haradskija biełaruskamoŭnyja čuju pa niekalki razoŭ na dzień, kali davodzicca kantačyć ź śvietam za bortam utulnaha koła siabroŭ i frendoŭ. Ale štoraz ja praciahvaju krychu biantežycca i ździŭlacca hetaj dziŭnaj zaŭvazie, niby čuju jaje ŭpieršyniu. A ŭ adkaz na «kamplimient» akramia dziažurnaj ŭśmieški redka znachodžusia, što b takoha vypalić. Urešcie dniami ŭpieršyniu apynuŭsia pa inšy bok hetych moŭnych barykadaŭ.
Horad Lachavičy, haradskaja paliklinika. Kvest «praciahnuć miedycynskuju daviedku dla kiravańnia aŭto» nabližajecca da finišu. U samym pačatku marafonu, jaki startavaŭ u «daŭračebnym kabiniecie» pryjemnaja puchnataščokaja žančyna ŭ biełym chałacie pastaviła mnie z uśmieškaj zvykły dyjahnaz: «Oj, jak vy choraša havorycie pa-biełarusku». Kamunikacyi ź joj dy nastupnymi biełymi chałatami, a taksama ŭ čarzie ź miascovymi žycharami, išli niazmušana na movie, jakoj razmaŭlali ŭ Lachavičach stahodździami. Navat ruskamoŭnyja płakaty na ścienach palikliniki i małady terapieŭt, jaki adpracoŭvaje raźmierkavańnie, nijak nie zmahli razburyć naša miłaje «biełaruskamoŭnaje hieta».
Urešcie ŭ finalnym kabiniecie, dzie sabrany pacyjentami pa paliklinicy ŭłoŭ piačatak i podpisaŭ admysłovaja miedsiastra kanviertuje ŭ błank «Miedycynskaja daviedka», ja nie strymaŭsia.
«Vy vielmi pryhoža havorycie pa-biełarusku», – vypaliŭ ja praź niekalki chvilin čakańnia ŭvahi miedsiastry, što supravadžałasia razmovaj pa telefonie hetaj žančyny z svajoj svajačkaj.
«Oj», – rasčyrvaniełasia žančyna i nie znajšłasia, što adkazać.
Lachavičy začaroŭvajuć svajoj narmalnaściu. U miascovyja kramki možna było b pryvodzić ekskursii, kab padsłuchać, jak žyvie nie «nanova», a pa-staromu ŭ 2015-m biełaruskaja mova siarod ludziej pa-za kantekstam fejsbukaŭ, redakcyjaŭ, repietycyjaŭ, pasiedžańniaŭ, kancertaŭ, pikietaŭ dy moŭnych kursaŭ. Ale ciškom, kab nichto ź miascovych nie zdahadaŭsia hetaj uvazie. Svaja mova tolki dla svaich.
-
«Na tobie j koš i ryba». 81‑hadovaja Viera zapisała ŭspaminy pra Davyd-Haradok 1950‑ch i zrabiła aŭdyjazapisy darahoj jaje dušy havorki
-
U Minsku na biełaruskaj movie vučycca 1,6% školnikaŭ — žachlivaja statystyka rusifikacyi
-
Jandzy i Dzińpin. U biełaruskaj movie źmianili normy pieradačy kitajskich nazvaŭ — novaje napisańnie dakładniej pieradaje kitajskaje hučańnie
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami28
Kamientary