Bolš za 90% rasijskich avijaŭdaraŭ ŭ Siryi nie nakiravanyja suprać terarystyčnych hrupovak «Isłamskaja dziaržava» i «Al-Kaida». Pra heta, jak pieradaje Agence Franc-Press, zajaviŭ na bryfinhu ŭ sieradu, 7 kastryčnika, aficyjny pradstaŭnik dziarždepartamienta ZŠA Džon Kirbi.
Fota Ministerstva abarony RF
«Bolš za 90% udaraŭ nakiravany nie suprać ID i źviazanych z «Al-Kaidaj» hrupovak, a suprać apazicyi, jakaja damahajecca sychodu (prezidenta Siryi Bašara) Asada», — skazaŭ Kirbi.
Jon taksama vykazaŭ sumnieŭ, što možna abjadnać vysiłki armii Siryi i apazycyjnaj «Svabodnaj armii Siryi» u baraćbie ź ID. «Ja nie mahu ŭjavić, jak heta mahčyma», - skazaŭ Kirbi, adznačyŭšy, što nie čuŭ pra takuju prapanovu.
Pradstaŭnik Dziarždepa paćvierdziŭ, što ZŠA pakul nie hatovyja abmieńvacca z Rasijaj raźvieddadzienymi pa Siryi, bo Vašynhton i Maskva pieraśledujuć roznyja mety.
«Ja nie viedaju, jak vy možacie dzialicca raźviedvalnymi dadzienymi, kali vy nie padzialajecie bazavyja ahulnyja mety ŭ Siryi», - skazaŭ Kirbi.
Kamientary