Facebook budzie testavać novuju viersiju knopki «Padabajecca»
Sacyjalnaja sietka Facebook vyrašyła raznastaić knopku «Mnie padabajecca» (like) niekalkimi varyjantami, jakija adlustroŭvajuć emacyjnyja adcieńni zvykłaj reakcyi karystalnika. Z hetaj metaj kampanija abviaściła ab pačatku vyprabavańnia adpaviednaha kamunikacyjnaha prahramnaha zabieśpiačeńnia ŭ siehmiencie internetu ŭ Irłandyi i Ispanii, paviedamlajuć infarmahienctvy.
Palitra vidaŭ reakcyi karystalnika papoŭniłasia šaściu novymi elemientami, jakija adlustroŭvajucca pry naciskańni i ŭtrymańni knopki «like»: «angry», «sad», «wow», «haha», «yay» and «love».
Raniej kiraŭnik kampanii Mark Cukierbierh abiacaŭ 1,49 młrd karystalnikaŭ Facebook raznastaić ich arsienał vodhukaŭ. Adnak kiraŭnictva firmy kateharyčna admoviłasia ŭvieści knopku «Mnie nie padabajecca», kab paźbiehnuć praźmiernaha ŭchiłu ŭ niehatyŭ.
«My vyvučyli, jakija mienavita kamientary i reakcyi najbolš časta i univiersalna paŭtarajucca ŭ Facebook, potym papracavali nad dyzajnam i trochi paekśpierymientavali dziela elehantnaści i śmiechu», — paviedamiŭ Krys Koks, jaki adkazvaje za vypusk novych praduktaŭ u kampanii. Jon raźličvaje vykarystoŭvać vopyt raspačataha ŭ Irłandyi i Ispanii ekśpierymientu, kab zrabić navinku «dastupnaj usim u chutkim časie».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary