Andrej Bond: Ź incydentam na Belarus Fashion Week usio było zusim nie tak
23 kastryčnika na pakazie kalekcyi brenda Tikota Unique ŭ ramkach Belarus Fashion Week adbyŭsia zabaŭny epizod. Padčas pakazu na podyum vyjšaŭ małady čałaviek i sieŭ na padłohu pa-turecku. Da jaho tut ža padyšoŭ achoŭnik i vietliva paprasiŭ pakinuć zału. Adnak akazałasia, što małady čałaviek zusim nie starońni, a madel, i jaho pavodziny na podyumie — častka scenara.
Epizod abyšoŭ usie ŚMI.
Madel, jakoha sprabavali prybrać z podyumu, — Andrej Bond, šoŭmen, televiadučy i videabłohier. «Naša Niva» źviazałasia ź im kab razabracca u situacyi.
Usio było zusim nie tak, jak usie padumali! — raskazaŭ jon.
«Ad samaha pačatku ŭ nas była zaduma — ja pavinien byŭ ihrać rolu takoha chulihana. Heta była takaja svojeasablivaja ideja pakazu. My vyrašyli zładzić pierformans dla hledačoŭ. Viedali tolki ja, Cikota i achoŭnik. I jak bačycie, vyjšła cudoŭna. My navat skazali achoŭniku, što dadzim jamu «Oskar».
Andrej kaža, što achoŭnik sapraŭdy dobra vykanaŭ svaju častku pierfomansu. Jon padyšoŭ i prasiŭ pakinuć Andreja podyŭm. Pry hetym vyhladała heta absalutna naturalna.
Andreju Bondu 28 hadoŭ. Jon naradziŭsia ŭ Minsku. U 2004 hodzie skončyŭ siaredniuju škołu №159 h. Minska. Z 2011 hoda pracuje na ANT. Ale pik znakamitaści šoŭmena pryjšoŭ u 2012 hodzie, kali jon pačaŭ zdymacca ŭ zabaŭlalnaj pieradačy «Haŭno pytańnie» na JUTubie. Tam jon rabiŭ usialakuju čarnuchu: vypivaŭ kaktejli z čarviakami, haliŭ brovy… U Instahramie jon padpisany jak «bonderaviec».
Na siońnia Andrej — adzin z samych znakamitych błohieraŭ u Biełarusi. I sprabuje siabie ŭ jakaści madeli.
Kamientary