U 96 hadoŭ pamior były kancler Hielmut Šmit. U vieraśni jaho špitalizavali ŭ adździaleńnie reanimacyi z-za prablem z sasudami.
Sacyjał-demakrat, jon byŭ kancleram Niamieččyny ad 1974 da 1982. Jon pravodziŭ centryscki kurs jak u ekanomicy, tak i ŭ palitycy.
Paśla adstaŭki jon staŭ redaktaram tydniovika «Cajt».
Jon naradziŭsia ŭ 1918 hodzie ŭ Hamburhu. Adnym ź jahonych bijałahičnych dziadoŭ byŭ jaŭrej, adnak jahony baćka vyras z pryjomnym tatam-niemcam. Kali da ŭłady pryjšli nacysty, siamja žyła tamu ŭ pastajannym strachu vykryćcia. Adnak abyšłosia. Šmit vymušana ŭdzielničaŭ u Hitleriuhiendzie, ale jaho adtul vyhnali za antyfašysckija pohlady. Ad 1937 da 1945 vajavaŭ — trochi ŭ procipavietranaj abaronie, a trochi — pad Leninhradam i na Zachodnim froncie.
U Šmita było dvoje dziaciej. Syn małym pamior ad mieninhitu, a dačka pracuje ŭ Łondanie na TV Błumbierh.
Šmit šmat kuryŭ da samaj śmierci.
Jon byŭ talenavitym pijanistam, navat zapisvali kancerty ŭ jahonym vykanańni.
Jahonaja žonka pamierła, kali jamu byŭ 91 hod. U 93 hady jon pryznaŭsia, što znoŭ zakachaŭsia i syšoŭsia sa svajoj 79-hadovaj asistentkaj.
Šmit prytrymlivaŭsia strohich niamieckich standartaŭ etyki ŭ palitycy. Paśla adstaŭki jon napisaŭ šmat knih i byŭ adnym z samych upłyvovych palityčnych publicystaŭ.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary