U Horadni siońnia adbyłosia niekalki prezentacyjaŭ, vystava i kancert. Usie hetyja mierapryjemstvy mieli pravodzić u pamiaškańni ofisu Abjadnanaj hramadzianskaj partyi, adnak pravieści ich daviałosia ŭ inšym pamiaškańni. Pierad uvachodam u ofis AHP milicyjanty znajšli raźbity bytavy termometar.
Za paŭhadziny da prezentacyi ŭ ofis pryjšli niekalki milicyjantaŭ i supracoŭnik Ministerstva nadzvyčajnych sytuacyjaŭ i spytalisia, što za akcyi tam rychtujucca.
Napiaredadni siabry AHP atrymali z MNS pradpisańnie na vykanańnie nieabchodnych mierapryjemstvaŭ pa technicy pažarnaj biaśpieki. Zhodna z hetym pradpisańniem, u pamiaškańni mohuć znachodzicca nia bolš za 15 čałaviek.
U časie, kali ŭ ofisie AHP źjavilisia milicyjanty, pa darozie ź Miensku da Horadni dvojčy zatrymlivali mikraŭtobus z pradstaŭnikami demakratyčnych arhanizacyjaŭ, jakija jechali na prezentacyju. Siarod zatrymanych byli režyser Valery Mazynski, bard Andrej Plasanaŭ, moładzievy aktyvist Franak Viačorka, bardy Darja Kadamskaja i Pavał Kuźmič.
Supracoŭnik MNS, jaki ahledzieŭ pamiaškańnie i pieraličyŭ ludziej u ofisie AHP, skazaŭ, što zaŭvah nia maje.
Tady adzin ź milicyjantaŭ paklikaŭ kiraŭnika haradzienskaj arhanizacyi AHP Jury Istomina ŭ kalidor i pakazaŭ, što tam pad łavaj lažyć raźbity bytavy termometar.
Milicyjanty adrazu vyklikali pažarnuju mašynu i zahadali ŭsim pakinuć pamiaškańnie. Paśla pryjezdu mašyny MNS vyśvietliłasia, što rtuć z termometra nie vyciekła i niebiaśpieki niama.
Jury Istomin vykazaŭ ździŭleńnie raźbitym termometram. Pavodle jaho słovaŭ, učora pamiaškańnie prybirali, a siońnia jaho adčynili pieršy raz:
«Ja liču, što heta pravakacyja pravaachoŭnych orhanaŭ, pakolki pažarniki nia majuć da nas pretenzijaŭ. Dumaju, nastupnym krokam budzie toje, što ofis začyniać, kab tut nichto nie źbiraŭsia».
Prezentacyju sajtu ADS, prezentacyju seryi biełaruskich aŭdyjoknih tavarystva «Biełtonmedyja», adkryćcio fotavystavy «10 hod z adnaho akna» Andreja Plasanava, a taksama vystup pieramožcaŭ «Bardaŭskaj vosieni» Darji Kadamskaj i Paŭła Kuźmiča daviałosia pravodzić u pamiaškańni Tavarystva biełaruskaj škoły.
Franak Viačorka, jaki prezentavaŭ u Horadni sajt ADS, ličyć, što siońniašnija prablemy pa darozie ź Miensku ŭ Horadniu — heta praciah uładami sakavickich represijaŭ u dačynieńni da demakratyčnych aktyvistaŭ:
«Mahčyma, ułady sprabavali sarvać siońniašniaje mierapryjemstva, a mahčyma, prosta šukali materyjały da «Čarnobylskaha šlachu».
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary